2,665 total views
Pinarangalan ng Catholic Bishops’ Conference of the Philippines si Daet Bishop Emeritus Benjamin Almoneda bago ihatid sa huling noong ika-13 ng Enero 2023.
Sa funeral mass na isinagawa sa Chapel of Notre Dame de Vie (NDV) na pinangunahan ni Parañaque Bishop Jesse Mercado, kinilala ng obispo ang pagiging mabuting pastol ni Bishop Almoneda na ipinapadama ang dakilang pag-ibig ng Diyos sa bawat gawaing ginagampanan sa pamayanan lalo na nasasakupang kawan.
“Throughout his [Bishop Benjamin Almoneda] exercise in ministry as priest and bishop as well as the silent and joy filled work as a retired bishop even in everywhere he is going, he would always express that love that endures in the way he exercises his work,” mensahe ni Bishop Mercado sa Radio Veritas.
Naniniwala si Bishop Mercado na nagampanan ng namayapang obispo ang misyong iniatang ng Panginoon sa paninilbihan bilang pastol ng simbahan at nakibahagi sa paghihirap ni Hesus sa pamamagitan ng paglilingkod sa sambayanan lalo na sa mga maralita.
Hinangaan din ng opisyal ang pagiging matapat ni Bishop Almoneda sa tungkulin at pamumuhay sa panalangin sa tulong at gabay ng Mahal na Birheng Maria.
“In the midst of all challenges, trials and difficulties he had to face throughout his life and ministry, Bishop Ben was able to persevere to stand by Jesus at the foot of the cross with Mary because he was a man of prayer.” ani Bishop Mercado.
March 22, 1958 nang maordinahang pari si Bishop Almoneda sa Archdiocese of Nueva Caceres habang January 6, 1990 nang ordinahang obispo ni noo’y Santo Papa St. John Paul II sa Vatican.
Ilan sa mga tungkuling ginampanan ng namayapang obispo ang pagiging rector ng Pontificio Collegio Filippino sa Roma noong 1982 hanggang 1989 bago maitalagang obispo ng Daet noong June 7, 1991.
Makalipas ang 16 na taong paglilingkod sa Daet nagretiro si Bishop Almoneda noong April 4, 2007 at naglingkod bilang Spiritual Director ng Redemptoris Mater Seminary of Manila at nanirahan sa House of Solitude of the Priests of Notre Dame de Vie sa Angat, Bulacan.
January 6, 2022 kasabay ng ika – 33 anibersaryo ng pagiging obispo ay pumanaw ang obispo sa edad na 92 taong gulang dahil sa komplikasyon sa puso.
Inihimlay si Bishop Almoneda sa libingan ng mga paring kabilang sa komunidad ng Notre Dame de Vie bilang ang obispo ang kauna-unahang Asyano at Pilipinong paring kasapi ng NDV.
Bukod kay Bishop Mercado dumalo rin sa pagtitipon ang ilang obispo sa bansa sa pangunguna ni CBCP President, Kalookan Bishop Pablo Virgilio David, mga paring kasapi ng Notre Dame de Vie, NDV consecrated lay people at mga kaanak ni Bishop Almoneda.
