12,126 total reads
Pinaigting ng Caritas Philippines at Catholic Educational Association of the Philippines (CEAP) ang pagtutulungan upang mapakain at mabigyan ng kinakailangan nutrisyon ang mga mahihirap na bata.
Bahagi ng CARITAS-CEAP partnership ang pagpapakain at pagsuporta sa may 200-kindergarten hanggang 3rd grade students mula sa mahihirap na pamilya para sa School Year 2024-2025.
Bukod sa pagpapakain ay tinutulungan ng Caritas Philippines at CEAP ang mga bata sa kanilang pangangailangan sa pag-aaral.
“The Caritas Philippines–CEAP Scholarship and Nutrition Program, which began in School Year 2024–2025, continues to provide vital support to 200 Kindergarten to Grade 3 learners from low-income families, by combining educational assistance with daily meal subsidies, the program aims to combat child hunger and promote healthy development, it is set to continue into its second year for Academic Year 2025–2026,” ayon sa mensahe ng Caritas Philippines at CEAP.
Bahagi ng CARITAS-CEAP partnership ang pangangalap ng pondo upang higit na mapalawak ang scholarship at nutrition program.
Pinagtibay ang kasunduan sa pagitan ni CEAP Executive Director Mr.Narcy Ador Dionisio, Caritas Philippines President Kidapabawan Bishop Jose Colin Bagaforo, at Executive Director Father Carmelo ‘Tito’ Caluag.
“The discussion focused on strengthening program implementation and identifying ways to collaborate on fundraising and solicitation efforts to ensure the continuity and growth of the initiative, both CEAP and Caritas Philippines are calling on more partners to support this program as they work to expand its reach, particularly in communities most affected by poverty and malnutrition,” ayon sa pa sa mensahe ng Caritas Philippines at CEAP.
Sa hiwalay na Integrated Nutrition Program ng Caritas Philippines, umaabot na sa 3,061-indibidwal na katumbas ng 540-pamilya ang naabot ng PaMEALyA Program na bahagi ng ‘Alay-kapwa Para sa Kalusugan’, layunin nitong mapakain ang isang buong pamilya ng mga kinakailangan nutrisyon at pagkain.
Kaugnay nito, batay sa mga datos ng United Nations Childrens’ Fund, 95-batang Pilipino ang namamatay kada araw dahil sa malnutrisyon, isa rin sa mga iniiwasang epekto ng malnutrisyon ay ang stunting o pagkabansot ng mga malnourished kids na edad limang taon pababa.
