6,000 total reads
Inatasan ni Davao Archbishop Romulo Valles ang mga parokya at catholic schools’ ng arkidiyosesis na makiisa sa taunang One million children praying the Rosary campaign na inisyatibo ng Aid to the Church in Need (ACN).
Ayon sa arosbispo magandang pagkakataon lalo na sa mga kabataan ang nasabing gawain bilang pakikiisa sa pananalangin para sa kapayapaan ng buong daigdig lalo na sa mga bansang nahaharap sa matinding pagsubok bunsod ng karahasan, digmaan at kahirapan.
“I enjoin all of you, especially our children in our parishes and Catholic schools, to actively participate in this international event of the ACN. I am particularly addressing our parishes and our Davao Association of Catholic Schools (DACS) to give vour kind attention to this concern,” bahagi ng pahayag ni Archbishop Valles.
Kasabay ng Kapistahan ni San Lucas, ebanghelista sa October 18 muling ilulunsad ng ACN ang sabayang pananalangin ng Santo Rosaryo para sa pagkakaisa at kapayapaan ng sanlibutan.
Napiling tema ng ACN ngayong taon ang “Pray the Rosary and there will be peace” na isa sa mga kahilingan ng Mahal na Birhen ng magpakita sa tatlong bata sa Fatima Portugal.
Natatangi rin ang paggunita ngayong taon dahil makibahagi ang ACN sa “Symphony of Pravers” na inisyatibo ni Pope Francis sa pagdiriwang ng year of Prayer ngayong taon at paghahanda sa Jubilee year ng simbahan sa 2025.
Ngayong taon isasagawa ng ACN Philippines ang One Million Children Praying the Rosary na Tinig ng Pag-asa ng mga Munting Alagad sa Malolos Cathedral – Immaculate Conception Parish Cathedral & Minor Basilica ng Diocese of Malolos sa alas nuwebe ng umaga.
Sa mga lalahok sa gawain maaring i-download ang prayer kits sa millionchildrenpraying.org. para magamit bilang gabay sa pananalangin.
