4,508 total views
Kinundena ng Catholic Bishops’ Conference of the Philippines – Episcopal Commission on Migrants and Itinerant People (ECMI) ang paglala ng korapsyon sa Pilipinas na bukod sa pamahalaan ay naging bahagi na nang pang araw-araw na pamumuhay ng mga Pilipino.
Ayon kay CBCP-ECMI Executive Secretary Father Roger Manalo, CS, ang korapsyon ay pagnanakaw sa oportnunidad na makapamuhay ng marangal, may dignidad ang mga Pilipino at nagsusulong ng kawalang katarungan.
“As leaders serving migrants, we stress that corruption is not only a legal or political issue. It is also a social, moral and spiritual sickness. The Bible says: “Better to be poor and honest than rich and dishonest.” (Proverbs 19:1). Corruption dishonors human dignity, promotes injustice, contradicts Gospel values and Filipino values and insults the sacrifices of our OFWs who endure hardship abroad for their families and for the nation,” ayon sa mensahe ni Father Manalo na pinadala sa Radyo Veritas.
Binigyang-diin ni Fr.Manalo ang nagkakaisang paglaban sa korapsyon upang mabigyang pag-asa ang mga mahihirap na Pilipino lalu na ang mga Overseas Filipino Worker na nagtitiis mapalayo sa pamilya upang matugunan ang kanilang pangangailangan.
Sinabi ng opisyal ng CBCP-ECMI na pag-asa ang mabisang panlaban sa katiwalian at ito ang nagbibigay lakas sa mamamayan na manindigan para masawa ang laganap na korapsyon sa bansa.
“Hope is also the answer to eradicate corruption. Where corruption spreads despair, hope restores courage. Where dishonesty weakens trust, hope builds solidarity. Where greed destroys lives, hope inspires honesty, justice, and compassion. To live in hope means to believe that change is possible, and to act with integrity for the good of all,” bahagi pa ng mensaheng pinadala ni Fr.Manalo sa Radyo Veritas.
Ayon sa United Nations at World Economic Forum, umaabot sa ₱571 bilyon o $10 bilyon ang nawawala sa ekonomiya ng Pilipinas taun-taon dahil sa illicit financial flows dulot ng katiwalian at korapsyon.
Dahil sa corruption, nababawasan ng 2-porsiyento ang paglago ng Gross Domestic Product o GDP ng bansa.
