26,727 total reads
Nagpaalala ang Diyosesis ng Assisi sa Italy sa 800-pilgrims na magiging kaisa o dadalo sa Canonization ni Blessed Carlo Acutis sa September 07,2025.
Ipinarating ng Diocese of Assisi sa mga pilgrims mula sa ibat-ibang bahagi ng mundo na 5:30 ng umaga, ika-7 ng Setyembre, oras sa Rome ay aalis ang tren sa Assisi Santa Maria Degli Angeli station na magtutungo sa Vatican upang makiisa sa Canonization.
Ipinaalala din ng diyosesis na hindi na maaaring palitan o ipa-refund ang mga tiket dahil ito ay mula pa sa nasuspinding gawain noong April 27,2025.
“The train that will depart from Umbria on September 7th to carry the faithful who will participate in the canonization of Carlo Acutis is fully booked. The news was announced by Don Antonio Borgo, vicar for pastoral care for the diocese of Assisi – Nocera Umbra – Gualdo Tadino and coordinator of the commission established specifically for this major event,” abiso na ipinadala ng Diocese of Assisi sa Radyo Veritas.
Mahigpit din na ipatutupad ng railway police ng Rome ang seguridad na ipagbabawal ang pagdadala ng anumang matutulis na bagay tulad ng gunting, nail clippers, at iba pang pang nakakasugat na kagamitan.
Para sa karagdagang impormasyon, maaari lamang bumisita ang publiko at 800-kumpirmadong pilgrims sa official website ng Diyosesis ng Assisi.
“Since the announcement by the Holy Father Leo XIV of the new date for Carlo’s canonization,” explains Don Borgo, “we have reactivated the entire organizational machinery that will bring approximately 800 pilgrims to St. Peter’s for the ceremony presided over by the Holy Father. It will be a moment of great joy that we have tried to manage as best we can, both spiritually and logistically,” bahagi pa ng mensaheng pinadala ng Diocese of Assisi sa Radyo Veritas,
Ipinagpaliban ang canonization ni Blessed Carlo Acutis na unang itinakda noong April 27, 2025 dahil sa pagpanaw ni Pope Francis noong April 21, 2025.
Sa panahong sede vacante ang posisyon ng Santo Papa, pansamantalang ipinatigil ng Vatican ang lahat ng malalaking liturgical ceremonies, kabilang na ang mga canonization.
