9,509 total views
Naglabas ng mga mungkahing gawain ang Diocesan Social Action Network ng mga kasaping arkidiyosesis at diyosesis ng People’s Power Movement at Bayanihan Alay sa Kapwa ng Caritas Philippines bilang suporta sa panawagan ng Catholic Bishops’ Conference of the Philippines kaugnay sa pagpapatuloy ng impeachment trial laban kay Vice President Sara Duterte.
Kabilang sa mga mungkahing aktibidad ang pagsasagawa ng communal at personal prayer para sa paggabay ng Espiritu Santo sa mga senador, prosecutors, at defense lawyers upang makakita nang malinaw ang mga ebidensya, pumili nang mabuti, at kumilos nang tama para sa pagsusulong ng rule of law at common good sa paghahanap ng katotohanan at katarungan.
“Asking for the guidance of the Holy Spirit upon our Senators, the teams of prosecutors and defense lawyers that they may “see clearly, choose well, and actright” to“adhere tothe ruleof lawandserve the common goodin thepursuit of justice and truth.” Ang bahagi ng pahayag ng grupo.
Hinikayat din ng grupo ang pananalangin para sa Pangulo, Pangalawang Pangulo, mga miyembro ng Kongreso, at iba pang opisyal ng pamahalaan upang pairalin ang tapat at makataong pamumuno na magtataguyod ng transparency, accountability, at paglilingkod lalo na sa mahihirap at nasa laylayan ng lipunan.
“Praying for the President, Vice President, members of Congress, and all elected and appointed public officials that through this process they may exercise authentic and ethical servant leadership that will promote transparency and accountability and that will result in genuine service to the Filipino people, especially the poor, marginalized, and voiceless of our society.” Dagdag pa ng grupo.
Kaugnay nito, iminungkahi rin ng grupo ang sama-samang pagdarasal tuwing alas-dose ng tanghali at alas-sais ng gabi bilang simbolo ng pagkakaisa sa panalangin at pagkilos.
Bahagi rin ng mungkahi ang pagpapatunog ng kampana sa mga simbahan, tahanan, at komunidad bilang hudyat ng pananalangin, gayundin ang pagsisindi ng kandila tuwing alas-sais ng gabi bilang paalala na maging “children of light” ang bawat isa.
“Praying for all of us Filipinos that we may learn and commit to exercise our civic duties and responsibilities and work together for the common good, setting aside partisan political affiliations as we serve the poor, marginalized, and voiceless of our society.” Ayon pa sa grupo.
Pinayuhan din ng grupo ang mga komunidad na magtatag ng mga information hubs na magbibigay lamang ng “credible, fact-checked, and responsible sourced information” hinggil sa impeachment trial kasama ang balanseng pagsusuri mula sa mga kinikilalang eksperto sa batas.
Hinimok din ng grupo ang pagkakaroon ng mahinahon at mapanuring talakayan sa nagaganap na paglilitis, gayundin ang pagpapahayag ng magalang at makabuluhang feedback sa mga senador at mga kasapi ng prosecution at defense teams.
Ayon sa grupo, layunin ng mga gawain na mapalawak ang pagkakaisa ng mamamayan sa panalangin at pagkilos para sa kabutihang panlahat, katotohanan, at katarungan sa bansa.
