389 total views
Nitong ika-8 ng Hulyo, naghalal ang mga Obispo ng mga bagong mamumuno sa Catholic Bishops Conference of the Philippines (CBCP). Nahalal sina Bishop Romulo Valles ng Davao bilang Pangulo at Bishop Pablo David ng Kalookan bilang Pangalawang Pangulo. Ating kilalanin sila.
Most Reverend ROMULO GEOLINA VALLES, DD
Kasalukuyang Arsobispo ng Akdiyosesis ng Davao
Inordenahan sa pagka-pari noong ika-6 ng Abril taong 1976 sa Tagum City at inordenahan bilang Obispo noong ika-6 ng Agosto 1997.
Ipinanganak sa Maribojoc, Bohol noong ika-10 ng Hulyo, 1951, si Bishop Valles ay nagtapos ng AB Philosophy at Theology sa St. Francis Xavier Regional Major Seminary sa Davao City. Kumuha rin siya ng kursong Licentiate in Sacred Theology mula sa Pontificio ateneo Sant’ Anselmo sa Roma at Master of Arts in Religious Education sa Ateneo de Davao University.
Siya ay hinalal bilang Obispo ng Arkdiyosesis ng Davao noong ika-11 ng Pebrero, 2012 at pormal na itinalagang Obispo ng nasabing Arkdiyosesis noong ika- 22 ng Mayo, 2012.
Bago manungkulan sa Davao, siya ay hinalal na Obispo ng Diyosesis ng Kidapawan noong Ika-24 ng Hunyo, 1997, at Arsobispo naman ng Arkdiyosesis ng Zamboanga noong ika-13 ng Nobyembre, 2006.
Most Reverend PABLO VIRGILIO SIONGCO DAVID, DD
Kasalukuyang Obispo ng Diyosesis ng Kalookan
Inordenahan sa pagka-pari noong ika-12 ng Marso, 1983 at bilang Obispo noong ika-10 ng Hulyo, 2006.
Kilala sa tawag na “Bishop Ambo”, siya ay ipinanganak sa Betis, Guagua, Pampanga noong ika-2 ng Marso, 1959. Pumasok sa Mother of Good Counsel Seminary sa San Fernando, Pampanga noong 1970 at sa San Jose Seminary noong 1974. Si Bishop Ambo ay kumuha ng mga kursong Master of Arts in Theology mula sa Loyola School of Theology sa Pamantasan ng Ateneo de Manila, Licentiate in Sacred Theology at Doctorate in Sacred Theology sa Catholic University of Louvain sa Belgium.
Siya ay pormal na itinalagang Obispo ng Diyosesis ng Kalookan noong ika-2 ng Enero, 2016. Bago manungkulan sa nasabing Diyosesis, siya ay hinalal bilang Titular Bishop ng Guardialfiera at Auxiliary Bishop ng San Fernando Pampanga.
Ang iba pang mga naitalagang opisyal ng CBCP ay ang mga sumusunod:
Ingat-Yaman: Abp. John F. Du
Kalihim-Pangkalahatan : Fr. Marvin S. Mejia
Mga Kinatawang Pang-Rehiyon:
Luzon
North : Abp. Marlo M. Peralta
Central : Bp. Ruperto C. Santos
South : Bp. Jose R. Rojas
Southeast : Bp. Victor C. Ocampo
Southwest : Bp. Reynaldo G. Evangelista
Visayas
East : Bp. Isabelo C. Abarquez
West : Abp. Jose F. Advincula
Mindanao
North : Abp. Martin S. Jumoad
South : Abp. Romulo T. dela Cruz
Source: http://cbcpnews.net/cbcpnews/newly-elected-cbcp-officers/
