227 total views
Hindi kailanman nalilimutan ng Diyos ang Kanyang mga anak, lalo na ang mga lolo, lola, at nakatatanda.
“Through the prophet Isaiah, the Lord promises that he will never forget any of us. He assures us that he has engraved our faces on the palms of His hands (cf. Is 49:16) and that His love is greater than a mother’s love for her child (cf. Is 49:15),” ayon kay Pope Leo XIV.
Ito ang mensahe ni Pope Leo XIV kaugnay ng World Day of Grandparents and the Elderly na taunang ipinagdiriwang ng simbahan tuwing ikaapat na linggo sa buwan ng Hulyo.
Tema ng 6th World Day of Grandparents ang ‘I will never forget you.’
Ayon sa Santo Papa, maraming matatanda ang nakararanas ng kalungkutan, pag-iisa, at pakiramdam na sila ay napapabayaan, ngunit nananatili silang mahalaga at minamahal sa paningin ng Diyos.
Hinimok din ng pinunong pastol ang mga kabataan at pamilya na muling buhayin ang kaugalian ng pagdalaw at pag-aaruga sa kanilang mga lolo, lola, at matatandang kamag-anak, kabilang ang mga nakatatandang walang dumadalaw at inabandona.
Ipinaalala rin ng Santo Papa na hindi hadlang ang edad upang mapalalim ang pananampalataya at mapalapit sa Diyos.
“I would like to say to you: do not be afraid of fragility! In old age, one may be ‘fragile’ but at the same time ‘called,” ayon kay Pope Leo.
Nanawagan din si Pope Leo XIV sa mga nakatatanda na patuloy na ipanalangin ang kapayapaan sa mundo at ang kinabukasan ng susunod na henerasyon.
Nagpasalamat naman ang Santo Papa sa mga lolo, lola, at matatandang patuloy na nag-aalay ng panalangin para sa Simbahan at sa buong mundo.
Dagdag pa ng Santo Papa, “I return this gratitude from the bottom of my heart. May the Lord always renew us in faith, hope and love — He who never forgets us!”
