1,169 total views
Ipinakilala ng University of Santo Tomas (UST) ang imbensyon na robot na tutulong sa mga magsasaka sa kanilang mga lupang tataniman.
Ayon kay Anthony James Bautista – Acting Assistant Dean ng UST Faculty of Engineering, layunin ng kaniyang imbensyon na padaliin ang pag-aararo ng lupa at bigyan ng karagdagang oras ang mga magsasaka na makasama ang kanilang mga pamilya.
Ang imbensyong robot na pinangalanang ‘Agrotis’ ay gumagamit ng Global Positioning System (GPS) upang matiyak na wasto, ligtas at tama lamang ang mabubungkal na lupang tataniman ng mga magsasaka.
“But robots can never replace our farmers. These technologies only aim to make their jobs easier through efficiency and safety, which can give them more time to be with their family,” ayon sa pahayag ni Bautista.
Ang proyekto ay pinondohan ng Department of Science Technology (DOST) at Philippine Council for Agriculture, Aquatic and Natural Resources Research and Development (PCAARRD).
Magugunitang si Bautista rin ang imbentor ng robot na pinangalanang Logistic Indoor Service Assistant (LISA) na tumulong naman sa mga frontline health workers noong kasagsagan ng pandemya.
Sa tulong ng LISA-robot ay naihahatid ang mga gamot ng COVID-19 infected patients- na binabawasan ang exposure ng mga health workers sa virus.
Ipinangako rin ni Bautista ang patuloy na paglikha ng mga imbensyon na aagapay sa magsasaka na maari ring maengganyo ang mga kabataan na maging bahagi sa pagpapaunlad ng sektor ng agrikultura.
“Agriculture 5.0 is fast approaching, and we really need to work harder together so that we can cope with the ever-advancing technology. The good thing is that these [machinery] are becoming more accessible and affordable. If this is the case, our next task is to prepare and aid our farmers in adapting these technological tools,” pagbabahagi pa ni Bautista.
Una ng kinilala ng Kaniyang Kabanalang Kabanalang Francisco ang patuloy na pag-unlad ng teknolohiya kung saan kaniyang hiling at pananalangin na naway gamitin ito ng sangkatauhan para sa kabutihan ng mas nakakarami.
