1,466 total reads
Hinimok ni Cebu Archbishop Alberto Uy ang mga mananampalataya na maging instrumento ng Diyos sa kapwa, kasabay ng paggunita sa mga Arkanghel na sina San Miguel, San Gabriel at San Rafael.
Ayon kay Archbishop Uy, tatlong aral ang maaaring tularan mula sa mga Arkanghel: panindigan ang tama tulad ni San Miguel, maghatid ng pag-asa tulad ni San Gabriel, at tumulong sa mga sugatan at nangangailangan tulad ni San Rafael.
Binigyang-diin ng arsobispo na maraming taong may mga problemang hindi nakikita, kaya mahalagang matutong makinig, sumama at umunawa.
“One person who needs encouragement. One family that needs our presence. One young person who needs someone to listen. One elderly person who needs a visit. One wounded heart that needs kindness,” ayon kay Archbishop Uy.
Hindi man kayang lutasin ang lahat ng problema, maaari namang magsimula ayon kay Archbishop Uy sa pagtulong sa isang taong nangangailangan.
Dagdag pa ng arsobispo, “And perhaps, for that one person, you can become God’s angel.”
Binigyan diin ng arsobispo na sa simpleng kabutihan at malasakit, maaaring maging instrumento ng Diyos ang bawat isa sa pagpapalakas at pagpapagaling sa kapwa.
