6,972 total reads
Nanawagan ang isang kasapi ng Philippine Pediatric Society sa publiko na huwag mawalan ng tiwala sa national deworming program kasunod ng isyu sa pagkamatay ng isang Grade 4 na mag-aaral matapos ang isinagawang routine deworming, at sa halip ay umasa sa mga eksperto at siyentipikong pag-aaral sa usapin ng pampublikong kalusugan.
Sa panayam ng programang Veritas Pilipinas, inihayag ni Dr. Fatima Gimenez, miyembro ng Philippine Pediatric Society na mahalagang maunawaan ng publiko ang layunin ng deworming program dahil nananatiling laganap ang impeksyon sa bulate sa Pilipinas, dahilan upang isama ito sa mga pangunahing public health programs ng pamahalaan.
“Kailangan natin maintindihan ang importansya nito [deworming o pagpupurga] bakit mahalaga, kasi ang Pilipinas laganap sa bulate. Sorry na sabihin yun, pero it’s a fact kaya ginawang public health program ito kasi napaka-importante sa kalusugan, hindi lang ng bata pati ng matanda at pregnant women.” Bahagi ng pahayag ni Dr. Gimenez sa Radyo Veritas.
Ipinaliwanag ng doktor na ang impeksyon sa bulate ay maaaring magdulot ng iron deficiency anemia, na may malaking epekto sa nutrisyon at sa pisikal, mental, at cognitive development ng mga bata, lalo na ng mga preschool children na kabilang sa pinaka-vulnerable na sektor.
“So yun ang dapat kailangan nating maintindihan yun, ito ay para sa kalusugan ng lahat dahil nga if I go to the importance it affects both physical and mental development, and talaga namang sino bang risks? ang mga bata, ang mga pre-school children kasi ang cause niyan iron deficiency anemia at ang iron deficiency anemia is a serious problem talagang maaapektuhan ang nutrisyon. Kapag naapektuhan ang nutrisyon kasama na diyan hindi lang physical but mental and cognitive development kaya kailangan nating pagtuunan.” Paliwanag pa ni Dr. Gimenez.
Binigyang-diin din ni Dr. Gimenez na ang deworming ay isang preventive health measure, kaya hindi kailangang hintayin pang makaranas ng sintomas bago sumailalim sa pagpupurga.
“Pwede kang ma-infect anumang oras kapag nakakain ka ng viable eggs ng bulate. Kaya preventive ito whether or not you show signs and symptoms. Bahagi ito ng First 1,000 Days at Garantisadong Pambata kasama ng vitamin at micronutrient supplementation,” Ayon pa kay Dr. Gimenez.
Sinabi rin ng pediatrician na hindi lamang mga bata ang maaaring magkaroon ng bulate dahil maging ang mga matatanda ay maaari ring magkaroon nito sa pamamagitan ng pagkain ng mga gulay o prutas na hindi nahugasan nang mabuti.
“Akala natin pambata lang ito, pero tayo rin ay maaaring magkaroon ng impeksyon sa bulate, lalo na kung nakakakain ng hindi maayos na nahugasang gulay o prutas. Gusto ko lang lawakan natin ang ating pag-iisip na hindi lamang mga bata ang maaaring magkaroon nito, bagama’t sila ang mas madaling maapektuhan,” Dagdag pa ni Dr. Gimenez.
Kasabay nito, hinimok ni Dr. Gimenez ang publiko na maging mapanuri sa impormasyong nakukuha sa social media at kumonsulta sa mga eksperto sa halip na magpalaganap ng maling impormasyon.
“Hindi naman tayo magbibigay ng isang programa na hindi masusing pinag-aralan. Kapag may tanong po, please ask the experts. Walang halaga ang pagpapakalat ng maling impormasyon, ngunit napakalaki ng halaga ng pagtutuwid sa misinformation,” Ayon kay Dr. Gimenez.
Umaasa rin ang pediatrician na sa pamamagitan ng tamang impormasyon ay patuloy na susuportahan ng publiko ang mga programang pangkalusugan na naglalayong maprotektahan ang mga bata laban sa malnutrisyon at iba pang komplikasyong dulot ng impeksyon sa
