707 total reads
Hinimok ng Catholic Educational Association of the Philippines National Capital Region (CEAP NCR) ang mga kabataan at kawani ng lahat ng katolikong paaralan na makiisa sa nakatakdang halalan sa susunod na taon.
Ayon kay Fr. Nolan Que, Regional Trustee ng CEAP NCR tungkulin ng bawat mamamayan ang makibahagi sa pagpili ng mga karapat dapat na lider na mamumuno sa bayan.
“As the Commission on Elections resumes voter registration in the National Capital Region, we call on all Catholic school personnel and all senior high school students of our schools, to fulfill their God-given duty and right to vote so that all of us may be able to select the candidate that best fit the duties required on governing the Catholic faithful,” bahagi ng pahayag ni Fr. Que.
Binigyang diin ng pari na ang kalayaang tinatamasa ng mamamayan ay kaloob ng Panginoon na nararapat pahalagahan at protektahan.
Batay sa tala ng Commission on Elections nasa 2.8 milyon na ang bilang ng mga nagparehistrong botante kung saan sa nasabing bilang 1.6 na milyon ang first time voters.
Umaasa si Fr. Que na na maging aktibo ang mamamayan lalo na ang kabataan sa pagtataguyod ng demokrasya ng bansa sa pakikiisa sa May 2022 Presidential elections.
“Democracy is a gift from God. It is our duty as receivers of that gift to preserve and protect the democracy of our country; change will only happen if we perform our duties and obligations to our God and our country,” ani ng pari.
Iginiit ni Fr. Que na ang bawat balota ay sagrado sapagkat ito ay sagisag ng pundasyon sa malayang bansa kung saan may kalayaan ang mamamayan na pumili ng mamumuno sa bayan.
Una nang hinimok ng simbahang katolika ang mga Filipino sa pangunguna ng Catholic Bishops’ Conference of the Philippines na makibahagi sa matalinong pagpili ng mga susunod na lider ng bansa na magtataguyod sa kalayaan, kapayapaan at higit sa lahat sa karapatan ng mamamayan.
