17,673 total views
Nananawagan ang Pamahalaang Panlalawigan ng Cebu ng para sa medical volunteers upang madagdagan ang pwersa ng health workers, lalo na sa Hilagang bahagi ng lalawigan na matinding naapektuhan ng lindol.
Kasunod ito ng magnitude 6.9 earthquake na yumanig sa Bogo City, Cebu kagabi, na naramdaman sa buong lalawigan at mga karatig na probinsiya.
Ayon sa anunsyo ng Pamahalaang Panlalawigan, bukas ang panawagan para sa lahat ng nais mag-volunteer ngayon at sa mga susunod na araw.
Hinihikayat ang mga medical professional at health workers na makipag-ugnayan sa numerong 0915-330-3293 para sa koordinasyon at detalye ng pagtulong.
Dagdag pa ng lokal na pamahalaan, maaaring dumeretso ang medical volunteers sa Cebu Provincial Hospital sa Bogo City, habang ang non-medical volunteers naman ay maaaring magtungo sa Incident Command Center na matatagpuan sa Bogo City Hall.
Batay sa pinakahuling ulat ng National Disaster Risk Reduction and Management Council (NDRRMC), umabot na sa 26 ang nasawi, habang 147 ang sugatan, at wala pang naitatalang nawawala.
