Itinuring na paalala ng mga Pilipino sa Middle East ang isinasagawang Misyong Pilipino retreat.
Ayon kay Katolikong Pinoy sa Abu Dhabi Director Rommel Pangilinan, pagpapaigting din ito sa pananampalataya lalo’t minorya lamang ang mga kristiyano sa lugar.
“Lubos ang pasasalamat sa Diyos dahil itong retreat na ito ay isang pagpapaala ng aming matibay na pananampalataya sa Diyos sa kabila ng mga hamon sa Gitnang Silangan.” pahayag ni Pangilinan sa Radio Veritas.
Pinangunahan ni Fr. Hans Magdurulang ng Minor Basilica and National Shrine of the Black Nazarene ang series of retreat sa United Arab Emirates na layong higit mapalalim ang pananampalataya ng mga Pilipinong kristiyano sa lugar.
Tema sa pagtitipon ngayong taon ang ‘Pagbabalik…Pagbabagong Buhay!’ lalo’t ngayon lang muling naisagawa ang Misyong Pilipino retreat makalipas ang tatlong taong pag-iral ng COVD-19 pandemic.
Ginana sa St. Paul Church sa Mussafah ang unang retreat noong September 25 hanggang 28 na sinundan sa St. John the Baptist Parish sa Ruwais noong September 29 hanggang October 1 habang October 3 hanggang 6 naman sa St. Joseph Cathedral sa Abu Dhabi.
Noong 2019 naitala sa lugar ang halos isang milyong katoliko lalo na noong dumalaw ang Santo Papa Francisco kung saan nasa 700, 000 rito ay mga Pilipinong mananampalataya.
Una nang kinilala ng santo papa ang mga migranteng Pilipino bilang smugglers of faith dahil sa kanilang pakikisangkot sa misyong dalhin ang mabuting balita sa pamayanan lalo na sa lugar na kanilang kinabibilangan sa iba’t ibang bahagi ng daigdig.(norman)
Hinimok ni Manila Archbishop Jose Cardinal Advincula ang mga mananampalataya na tanggapin si Hesukristo sa pamamagitan ng pagbubukas ng puso sa mga mahihirap, maysakit, nag-iisa, at maging sa mga taong itinuturing na abala sa kanilang buhay.
Ito ang mensahe sa homiliya ng kardinal sa pagdiriwang ng Kapistahan nina Santa Marta, Santa Maria, at San Lazaro ng Betania sa Chapel of St. Lazarus, na dinaluhan ng mga opisyal ng Department of Health, pamunuan ng pagamutan, at mga healthcare workers.
Ayon kay Cardinal Advincula, hindi sapat na tanggapin si Kristo sa salita lamang kundi dapat itong maisabuhay sa pakikitungo sa kapwa, lalo na sa mga higit na nangangailangan ng malasakit.
“Ang tunay na pagtanggap kay Kristo ay hindi lamang pagbubukas ng pintuan ng ating tahanan, kundi pagbubukas ng ating puso, lalo na kapag dumarating Siya sa katauhan ng mga mahihirap, may sakit, nag-iisa, at maging ng mga taong nakaaabala sa atin,” ayon kay Cardinal Advincula.
Paliwanag ng kardinal na tulad ni Santa Marta na handang isantabi ang sariling kaginhawaan upang tanggapin si Hesus, tinatawagan din ang bawat mananampalataya na bigyang-puwang ang Panginoon sa kanilang buhay sa pamamagitan ng mapagkalingang paglilingkod sa kapwa.
Binigyang-diin din nito ang halimbawa ni Santa Maria na nagpakita ng matapang na pananampalataya sa kabila ng mga puna at paghusga ng iba.
“Itinuturo ni Maria na ang tunay na alagad ay hindi sumusunod sa uso kundi sa Panginoon. Ang tunay na pag-ibig ay handang magmukhang hangal sa paningin ng sanlibutan alang-alang kay Kristo,” pahayag ni Cardinal Advincula.
Hinikayat ng kardinal ang mga mananampalataya na huwag ikahiya ang kanilang pananampalataya at patuloy na unahin ang pagsunod kay Kristo kaysa sa opinyon ng lipunan.
Samantala, sa pagninilay sa muling pagkabuhay ni San Lazaro, ipinaalala ni Cardinal Advincula na patuloy na tinatawag ni Kristo ang bawat isa na talikuran ang kasalanan, takot, at kawalan ng pag-asa.
“Hanggang ngayon ay tinatawag tayo ni Hesus sa ating pangalan. Ang tanong ay hindi kung tumatawag pa ba Siya. Ang tanong ay kung handa ba tayong lumabas mula sa kadilimang matagal na nating kinagisnan,” dagdag ng kardinal.
Ayon kay Cardinal Advincula, ang bawat tao ay may sariling “libingan” na maaaring binubuo ng kasalanan, galit, bisyo, dalamhati, o kawalan ng pag-asa, subalit nananatiling bukas ang paanyaya ni Kristo na mamuhay bilang mga saksi ng pag-asang dulot ng Kanyang muling pagkabuhay.
Umaasa ang kardinal na maisabuhay ng bawat mananampalataya ang tatlong mahahalagang halimbawa ng magkakapatid sa Betania, ang bukas-palad na pagtanggap ni Marta, ang matapang na pananampalataya ni Maria, at ang matatag na pag-asa ni Lazaro, bilang gabay sa tapat na pagsunod kay Kristo at paglilingkod sa kapwa.
Noong 2021, idineklara ni Pope Francis na ang pagdiriwang nina Santa Marta, Santa Maria, at San Lazaro ay pagsasamahin sa iisang kapistahan tuwing July 29, bilang pagkilala sa kanilang natatanging pagkakaibigan kay Hesus at sa magkakaibang paraan ng kanilang pagiging alagad.
Jerry Maya Figarola
Wednesday, July 29, 2026 2:05 pm
14,985 total views
Pinangunahan ng Caritas Philippines ang pagpapatupad at pormal na turnover ng Solar-Powered Water System sa mga Barangay Barcelonita at Sta. Cruz sa bayan ng Cabusao, Camarines Sur bilang bahagi ng Empowering Coastal Communities (ECCORD) Project upang tiyakin ang sapat at ligtas na suplay ng malinis na inuming tubig sa mga komunidad.
Isinagawa ang pagbabasbas at turnover ng proyekto sa pangunguna ni Caritas Diocese of Libmanan Executive Director Father Romulo Castañeda kasama si Assistant Director Rev. Fr. Aldrin Adolfo, habang nilagdaan naman ang Memorandum of Agreement (MOA) sa pagitan ng Caritas Diocese of Libmanan at ng mga pamahalaang barangay upang tiyakin ang pangangalaga at pagpapatuloy ng operasyon ng pasilidad.
Ang proyekto ay pinondohan ng Caritas Australia at ipinatupad ng Caritas Philippines katuwang ang Caritas Diocese of Libmanan.
“The project was introduced in response to the communities’ long-standing need for safe and potable water for household use. The proposal to install the solar-powered water system was approved in April 2026, providing a sustainable solution that will improve access to clean water and enhance the quality of life of the residents,” ayon sa mensaheng ibinahagi ng Caritas Diocese of Libmanan
Itinayo ang solar-powered water system bilang tugon sa matagal nang suliranin ng mga residente sa pagkakaroon ng ligtas at malinis na tubig para sa pang-araw-araw na gamit.
Inaasahang makikinabang dito ang may 527 kabahayan, kabilang ang 272 pamilya sa Barangay Sta. Cruz at 255 pamilya sa Barangay Barcelonita, pati na rin ang mga karatig na komunidad.
“Caritas Philippines, through the Empowering Coastal Communities (ECCORD) Project and in partnership with Caritas Diocese of Libmanan and Caritas Australia, Turnover the Solar-Powered Water System in Barangays Barcelonita and Sta. Cruz, Cabusao, Camarines Sur. The project was established in response to the communities’ long-standing need for safe and potable water. It is expected to benefit approximately 272 households in Barangay Sta. Cruz and 255 households in Barangay Barcelonita, including nearby communities. This reflects Caritas Philippines’ commitment to building resilient and empowered communities through sustainable and life-giving initiatives that uphold the dignity and well-being of every person,” mensahe ng Caritas Philippines sa Radyo Veritas.
Ayon sa Caritas Philippines, bahagi ang proyekto ng patuloy nitong pagsusulong ng mga programang nagbibigay ng pangmatagalang solusyon sa mga pangunahing pangangailangan ng mga komunidad, kabilang ang access sa malinis na tubig, pagpapalakas ng kakayahan ng mga mamamayan, at pagtataguyod ng dignidad ng bawat tao sa pamamagitan ng sama-samang pagkilos.
Reyn Letran - Ibañez
Wednesday, July 29, 2026 1:36 pm
16,451 total views
Iginiit ng IBON Foundation na kinakailangang maglatag ang pamahalaan ng pangmatagalang mga programa upang matugunan ang mga pangunahing suliranin sa ekonomiya, kabilang ang kawalan ng trabaho at pagpapalakas ng agrikultura at iba pang industriya ng bansa.
Sa panayam sa espesyal na programang “Pag-uulat sa Bayan: State of the Nation Address 2026” ng Radyo Veritas, sinabi ni Rosario Bella Guzman, Executive Editor at Head of the Research Department ng IBON Foundation, na bagama’t binigyang-diin ni Pangulong Ferdinand Marcos Jr. ang epekto ng oil price shocks sa ekonomiya, hindi naman aniya naging sapat ang mga inilahad na tugon ng pamahalaan.
Ayon kay Guzman, kapansin-pansin din ang kakulangan ng mga long-term solution o pangmatagalang hakbang upang lutasin ang mataas na antas ng kawalan ng trabaho sa bansa.
“So parang bitin kasi kapag State of the Nation dapat ang latag nun, ano yung mas long-term na maaddress niya yung structural problems. So again para sa IBON Foundation hinihintay natin yung paglatag ng program, economic planning that will create jobs, that will revitalize genuinely yung agrikultura at industriya…” Ayon kay Guzman.
Binigyang-diin din nito na sa halip na umasa lamang sa pagpasok ng dayuhang pamumuhunan, mahalagang magkaroon ng komprehensibong plano upang makalikha ng disenteng trabaho para sa mga Pilipino at mabawasan ang patuloy na pag-alis ng mga manggagawa upang magtrabaho sa ibang bansa.
Kaugnay nito bahagi ng itinuturo ng Catholic Social Teaching na ang ekonomiya ay nararapat maglingkod sa tao at hindi ang tao para sa ekonomiya.
Nasasaad sa panlipunang turo ng Simbahan na ang tunay na pag-unlad ay nasusukat sa paglikha ng marangal na hanapbuhay, pagpapalakas ng lokal na produksyon, at pagtiyak na ang bunga ng kaunlaran ay mararamdaman ng lahat, lalo na ng mga mahihirap at manggagawa.
42,104 total views Mga Kapanalig, sinong ayaw manalo ng pinakabago at pinakasikat na smartphone? Ganito inakit ng isang sikat na social media influencer ang mahigit 50
81,405 total views Mga Kapanalig, hindi man natin namamalayan, nagiging parte naang artificial intelligence (o AI) ng ating pang-araw-araw na buhay. Pero anong uri ng kinabukasan
117,894 total views Mga Kapanalig, sa pagtatapos ng pagdinig ng impeachment court sa Article 4 na may kaugnayan sa pagbabanta umano ni Vice President Sara Duterte
233,236 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa
259,374 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS
15,054 total views Hinimok ni Manila Archbishop Jose Cardinal Advincula ang mga mananampalataya na tanggapin si Hesukristo sa pamamagitan ng pagbubukas ng puso sa mga mahihirap,
7,038 total views Ilulunsad ng Apostolic Vicariate of Puerto Princesa (AVPP) sa August 11 ang Katipunan Formation Program for Good Citizenship ng Catholic Bishops’ Conference of
21,320 total views Ito ang mensahe ni Papal Nuncio to the Philippines, Archbishop Charles Brown, sa pagluklok kay Bishop Nick Vaquilar bilang ikaapat na Obispo ng
16,087 total views Hinimok ni Pope Leo XIV ang mga mananampalataya na iwaksi ang konsumerismo at muling tuklasin ang tunay na kayamanan na matatagpuan sa pakikipag-ugnayan
