5,587 total reads
Sinusuportahan ng Church People-Workers Solidarity o CWS ang patuloy na pagsusulong ng mga manggagawa ang pagkakaroon ng nagkakaisang collective barganing agreement o CBA.
Kinatigan ni CWS National Chairperson San Carlos Bishop Gerardo Alminaza panawagan ng ‘PLDT Gabay ng Unyon sa Telekomunikasyon ng mga Superbisor’ o PLDT-GUTS para sa makatarungang CBA at pagkilala sa dignidad at karapatan ng mga manggagawa.
Nakiisa ang CWS sa muling pagbabalik ng CBA negotiations ng PLDT-GUTS at PLDT management simula sa ika-15 ng Mayo 2026 matapos ang 35-plenary meetings sa usapin ng suweldo, benepisyo, at working conditions ng mga empleyado.
“The Church People-Workers Solidarity (CWS) expresses its unwavering support for the PLDT Gabay ng Unyon sa Telekomunikasyon ng mga Superbisor (PLDT GUTS). We stand with you in your courageous struggle for a just Collective Bargaining Agreement (CBA) and for the recognition of your fundamental rights and dignity as workers.”
Ikinababahala ng CWS ang kawalan ng konkretong tugon ng PLDT employer sa economic proposals ng unyon kabilang ang dagdag-sahod at iba pang labor protections.
Nagpahayag rin ng pangamba ang grupo sa pagtatangkang gawing Memorandum of Agreement o MOA ang ilang probisyon ng CBA na magpapahina sa legal na proteksyon at bargaining powers ng mga manggagawa.
Nanindigan si Bishop Alminaza na hindi dapat ipagkait sa mga empleyado ang makatarungang kompensasyon lalo’t naiulat na kumita ang PLDT ng mahigit P24.27 bilyong piso sa nakalipas na limang taon.
Ayon sa grupo, hindi lamang kapital kundi sakripisyo at paggawa ng mga empleyado ang dahilan ng tagumpay ng kumpanya.
Ipinahayag din ng CWS ang pagkabahala sa mga ulat ng unpaid overtime work, trabaho sa rest days na hindi binayaran, at kakulangan sa occupational safety protections na maituturing na paglabag sa labor standards at dignidad ng manggagawa.
