15,438 total views
“We need to give our country a chance to change.” Ito ang hamon ni Tagbilaran Bishop Alberto Uy sa mamamayan hinggil sa nalalapit na 2025 midterm national and local elections.
Sinabi ng obispo na isa mabisang paraan upang makamit ang tunay na pag-unlad ang paglaban sa talamak na vote buying tuwing halalan.
“Vote buying is the root of the corruption that remains the biggest barrier to our national development; corruption will remain as long as the practice of vote-buying continues,” pahayag ni Bishop Uy.
Binigyang diin ni Bishop Uy na kung hahayaan ang mga kandidatong mamili ng boto sa darating na halalan ay malaki ang posibilidad na gagawa ito ng paraang makabawi ng kanilang gastos sa pamamagitan ng korapsyon mula sa pondo ng bayan.
Iginiit ng opisyal na ang pagbibenta ng boto tuwing halalan ay pagsasayang ng panahong makapili ng taong nakahandang maglingkod sa interes ng nakararami at magsusulong ng pangkalahatang pag-unlad ng lipunan.
“If vote buying continues many good and capable people will no longer run for office, they wouldn’t have the interest to run during elections; we are really depriving ourselves of good or great leaders because we are not giving them the chance to win,” giit ni Bishop Uy.
Dahil dito hinimok ni Bishop Uy ang mahigit 60 milyong Pilipinong botante na aktibong makilahok sa halalan at bumoto ng wastong kandidatong tapat ang hangaring paglingkuran ang bayan.
Gayunpaman bagamat itinakda ng Commission on Elections sa Pebrero ng susunod na taon ang campaign period ilang kandidato na ang umiikot sa iba’t ibang lugar sa bansa kaya’t pinaalalalahanan itong sundin ang wastong panahon ng pangangampanya alisunod sa itinakda ng komisyon.
Noong Agosto inilunsad ng multisectoral group kabilang na ang simbahan ang nonpartisan movement na ANIM: Alyansa ng Nagkakaisang Mamamayan na layong labanan ang korapsyon, political dynasty at isulong ang tunay na reporma, good governance, social justice, economic development, at national security.
