2,519 total views
Nagpapasalamat ang Pax Romana International Movement of Catholic Students (IMCS) at International Catholic Movement for Intellectual and Cultural Affairs (ICMICA) Asia Pacific sa Kanyang Kabanalan Francisco sa pagbisita sa Mongolia mula August 31 hanggang September 4, 2023.
Inihayag ng dalawang grupo na ang presensya ng Santo Papa ay napakahalaga hindi lamang sa Mongolia kundi sa buong Asya na nahaharap sa iba’t-ibang suliranin sa kasalukuyan.
“Your presence in Mongolia holds a special significance, particularly given the escalating political tensions and conflicts in the East Asia region notably on the Korean peninsula, Taiwan Strait and territorial disputes in the sea in Southeast Asia.” bahagi ng pahayag ng IMCS at ICMICA.
Ayon sa mga grupo, ang presensya ng Santo Papa ay nakapagdudulot ng kapayapaan at pagkakaisa lalo na sa panahon ngayon.
“In these times of heightened need for harmony, your role as an apostolic messenger of peace is more crucial than ever before.” dagdag ng grupo.
Pinuri din ng IMCS at ICMICA ang pagkakahirang sa Seoul, Korea bilang lugar na pagdarausan ng World Youth Day 2027.
Naniniwala itong ang ikalawang WYD na gaganapin sa Asya ay magiging makasaysayan at tunay na napakahalaga para sa Mongolia at sa buong Hilagang-silangang Asya upang maipakita ang pagbubuklod ng mamamayan ng iba’t-ibang bansa na walang galit, poot, o takot sa puso ng bawat isa.
Umaasa ang IMCS at ICMICA na ang muling pagdating ng isang Santo Papa sa Hilangang-Silangang Asya ay magtataguyod ng kapayapaan at pagkakasundo sa rehiyon na matagal nang nabahiran ng hindi pagkakasundo ng mga bansa.
“This historic visit of Your Holiness in Northeast Asia, with hopes of visit to China and North Korea in the not-so-distant future, holds the promise of promoting peace and reconciliation in a region marred by enduring conflicts, notably those encompassing the Korean Peninsula and the Taiwan Strait, as well as the sea between China and Southeast Asian countries,” pahayag ng grupo
Ang bansang Mongolia ay nakilala sa pagiging payapa, pagkakaroon ng mataas na pagpapahalaga sa kalikasan at pagiging nuclear weapon-free na bansa.
Ito ay may tinatayang 3.4million na populasyon kung saan ang mga katoliko ay 0.04% lamang nito na umaabot sa 1,450 mananampalataya.
(With Yana Villajos)
