736 total views
Huwag mawalan ng pag-asa sa kabila ng pagbagsak ng ekonomiya at patuloy na kahirapan.
Ito ang mensahe ni Taytay Palawan Bishop Broderick Pabillo sa mga Pilipinong nakakaranas ng pagkagutom lalo na sa mga nagdaang buwan.
Inanyayahan din ng Obispo sa mga mananampalataya na ipanalangin at pagmalakasakit ang mga kapwa Pilipinong nakakaranas ng kahirapan.
“Manalangin tayo sa mga Pilipino na nakararanas ng gutom na hindi sila mawalan ng pag-asa at mabigyan sila ng tulong at pagkakataon na matugunan itong basic human right and human need ng bawat isa,” ayon sa mensaheng ipinadala ni Bishop Pabillo sa Radio Veritas.
Hinimok din ni Bishop Pabillo pananalangin para sa mga opisyal ng pamahalaan na makalikha ng mga inisyatibo na tutugunan ang malnutrisyon ng mga bata.
“Lahat sana tayo ay maging concern sa ating pananagutan na tulungan ang mga mahihirap at nagugutom,” ayon sa pa sa mensaheng ipinadala ni Bishop Pabillo sa Radio Veritas.
Batay sa tala ng United Nations Children Fund (UNICEF) pinangangambhaang 95-bata sa Pilipinas ang namamatay araw araw ng dahil sa suliranin ng stunting at malnutrisyon.
Sa datos naman ng Philippine Statistics Authority (PSA) bagamat bahagyang bumaba ay nanatiling mataas pa rin ang naitalang 2.9-milyon ng mga Pilipino ang nakaranas ng kagutaman sa 2nd quarter ng taon ng Abril hanggang Hunyo kumpara sa 3.1-milyon noong 1st quarter ng 2022.
