Hindi makina ang naghahalal sa mga opisyal ng bayan kundi ang mga botante.
Ito ang binigyang diin ng bagong chairperson ng Parish Pastoral Council for Responsible Voting (PPCRV) na si Ms. Evelyn R. Singson sa dalawang aspekto na kanyang tututukan sa pamamahala sa pangunahing tagapagbantay ng Simbahang Katolika tuwing halalan sa bansa.
Bilang bagong pinuno ng PPCRV ay kabilang sa dalawang pangunahing isusulong ni Singson ang higit na pagpapalakas sa Technical Group na magbabantay sa integridad ng voting machines at pagbibigay seguridad sa sistema ng halalan o ang Automated Election System.
Bukod dito, inaasahan rin ang patuloy na pagsusulong ng PPCRV sa paggabay sa mga botante kaugnay sa kahalagahan ng eleksyon at ang pagninilay sa pagpili ng mga karapat-dapat na mga opisyal ng bayan.
“Evelyn [Singson], as the new Chairperson of PPCRV will focus on two main aspects in line with PPCRV’s mission: To strengthen the Technical Group of PPCRV in monitoring the integrity of the voting machines and, keeping secure and protected the Automated Election System. But at the same time, she averred that “machines do not elect the leadership, voters do.” As such, PPCRV’s ongoing work program will be “educating the voters to learn and discern what is moral and right.” This will define what responsible voting would mean for the electorate.”pahayag ng pamunuan ng PPCRV.
Papalitan ni Singson si Ms. Myla Villanueva na nagsilbing chairperson ng PPCRV sa nakalipas na dalawang national elections, noong 2019 midterm election at ang katatapos lamang na National and Local Elections noong nakalipas na ika-9 ng Mayo, 2022.
Palalakasin din ni Singson ang partisipasyon sa PPCRV ng lahat ng mga parokya, church institutions, schools, civic clubs at maging ang business community bilang katuwang sa pagbabantay sa malinis, matapat, mapayapa at responsableng halalan sa bansa.
“In her tenure, PPCRV will proactively invigorate parishes, church organizations, schools, civic clubs and the business community to join hands in ensuring responsible voting. Evelyn envisions a citizenry converted toward “putting country above self.”” Pagbabahagi pa ng PPCRV.
Si Singson ay nagsilbi bilang former president ng Management Association of the Philippines (MAP) at chairman ng Women for Women Foundation (Asia) Inc. na kilala rin sa kanyang mga gawin para sa pagsusulong ng women and youth empowerment.
Isa rin si Singson sa mga TOWNS’ (Ten Outstanding Women in the Nation’s Service) awardee.
