99,390 total views
Sa pagluluksa ng buong mundo sa pagpanaw ni Pope Francis o Lolo Kiko.. Alamin natin kung paano binago ni Papa Francisco ang “Papacy forever”.
Nang maluklok na Pope noong March 2013, lumikha ng usap-usapan at kritisismo si Pope Francis hindi lamang siya ang kauna-unahang Jesuit Pope at una mula sa Americas kundi ang pagsusulong nito ng mercy at inclusion para sa LGBTQ community. Isinulong din ng Santo Papa ang divorce at remarried catholics kasunod ng kanyang Apostolic exhortation na “Amoris Laetitia” noong 2016 na humihimok sa mga pari na gabayan ang mga tao ng may kababaang loob at pang-unawa sa halip na matatag na pagsunod sa “doctrinal legalism”sa pagharap sa usapin ng diborsiyo.
Ipinakita at ipinadama din ng Santo Papa ang habag at awa ng personal na bisitahin ang mga survivors ng supertyphoon Yolanda. Sa kabila ng matinding sama ng panahon, hindi ito natinag at hinarap ang mga nasalanta ng bagyong Yolanda.
“Laudato Si’” at climate action… noong 2015, ibinahagi ni Pope Francis ang encyclical na ‘Laudato Si, na isang panawagan sa pagkakaroon ng environmental responsibility. Hinihimok ng encyclical ang mga world leader na ideklarang moral crisis ang climate change dahil ang pagkakasira ng ecosystem ng mundo ay malaki ang epekto sa mga mahihirap.
Ipinatupad din ng Santo Papa ang modernisasyon at transparency sa Vatican bank at iba pang Church financial system. Nagtalaga ito ng mga independent auditors, itinatag ang Secretariat for Economy na mangangasiwa sa financial reforms at ipatupad ang accountability na nagresulta sa mga high-profile resignation at imbestigasyon sa mga kuwestiyunableng transaksiyon na binalewala lamang ng simbahan sa mabahang panahon. Sa kabila nito, hindi natupad ang tunay na reporma dahil sa matinding internal resistance gayunman naging makabuluhan ito kung paano i-manage ng simbahan ang billion-dollars na kayamanan.
Ibinahagi din ng Santo Papa sa mundo ang apostolic exhortation na Gaudete et Excultate: A call to Holines in today’s world at encyclical letter na Fratelli Tutti: on fraternity and social friendship.
Hindi lang binago ni Pope Francis ang mga polisya ng simbahan kundi kung paano ito pinapatakbo mula sa top-down hierarchy, isinulong nito ang decentralized at participatory church na naging daan ng paglulunsad ng “Synod on Synodality” noong 2011.
Sinasabing naging conventional ang pamumuno ni Pope Francis sa Simbahang Katolika, hinuhugasan nito ang paa ng mga bilanggo, pinapangarangalan ang mga world leader dahil sa kawalan ng aksyon sa climate change, inilaban ang migration at ipinaglalaban na ang simbahan ay lugar ng habag at hindi exclusion.
KAPANALIG… ALAMIN ANG “INTERREGNUM OF POPE FRANCIS”
Ang Papal Interregnum ito ay salitang Latin na ibig sabihin ay panunungkulan ng isang Santo Papa at magiging kapalit nito bilang pinunong Pastol ng Simbahang Katolika. Tinatawag itong “Papal vacancy”, nagsisimula sa pagkamatay o pagbibitiw ng Santo Papa na magtatapos kapag pumayag ang kahalili sa resulta ng eleksyon bilang Pope.
SA PAGKAMATAY POPE, ANO ANG MANGYAYARI
Ipapaalam ito sa Cardinal na tumatayong Camerlengo o Chamberlain ng Holy Roman church sa presensiya ng Master of Papal Luturgies Ceremonies at iba pang opisyal. Opisyal na ihahayag ng Camerlengo na patay na ang Santo Papa. Gagawin ang opisyal na death certificate, i-notarized at isasara ng Camerlengo ang higaan at study ng Pope. Matapos nito, ipapaalam ng Carmelengo sa Archpriest ng Vatican Basilica at Cardinal Vicar ng Diocese of Rome na siya namang maghahayag sa mga mananampalataya. Isasailam din sa kustodiya Carmelengo ang Apostolic Palaces ng Vatican, Lateran palace at Castel Gondolfo.
ANO ANG MANGYAYARI SA PANAHON NG VACANCY OF THE HOLY SEE
Ang araw kung kailan namatay ang Santo Papa ay simula ng Interregnum na may tatlong bahagi.
1.Nine days of mourning(siyam na araw ng pagluluksa)
Ang Santo Papa ay ihihimlay sa St. Peter’s Basilica kung saan pinapayagan ang mga mananampalataya na magbigay ng respeto. Kada araw ang mga Cardinal ay mag-aalay ng memorial mass. Sa pagitan ng ika-apat at ika-anim na araw, isasagawa ang “solemn funeral” sa St.Peter’s Basilica na pangungunahan ng “Dean of the College of Cardinals at iba pang Cardinals. Opisyal ding idedeklara ng College of Cardinals ang official mourning period na siyam na araw na tinatawag na NOVENDIALES. Sa loob ng siyam na araw, magkakaibang Cardinal ang mangunguna sa public funeral rite para sa Pope gamit ang ORDO EXSEQUIARUM ROMANI PONTIFICIS 2024. Nakagawiin na ilibing ang Pope sa St. Peter’s crypt. Hiniling ni Pope Francis na siya ay ihimlay sa Papal Marian Basilica of St.Mary Major.
2.PAGHAHANDA SA CONCLAVE
Ang paghahanda sa CONCLAVE. Mula ika-10 araw sa pagsisimula ng CONCLAVE na magsisimula bago ang Day 16 at hindi lalagpas ng Day 21 ng Papal Vacancy.
3.CONCLAVE
Simula ng pumasok ang mga Cardinal sa CONCLAVE hanggang sa tanggapin ng napili ang kanyang eleksyon bilang bagong Santo Papa kapalit ni Pope Francis.
“Universi Dominici gregis”
Ito ay Apostolic Constitution na pinroklama ni Pope St. John Paul II noong 1996, ito ang kasalukuyang batas na sinusunod sa kabuuhan ng Papal Vacancy mula sa pagkamatay ng Santo Papa hanggang sa election ng kanyang kahalili. Nakapaloob dito ang kapangyarihan ng College of Cardinals kasama ang mga parusa kapag nilabag ang proseso ng CONCLAVE.
Sumainyo ang Katotohanan.
