6,219 total reads
Ipinaalala ni Apostolic Nuncio to the Philippines Archbishop Charles Brown sa mga estudyante na iwanan ang mga negatibong karanasan at muling magsimula.
Ito ang mensahe ng Arsobispo sa panunumbalik ngayong araw (June 8,2026) ng 26-milyong mag-aaral sa eskwelahan bilang pagsisimula ng school year 2026-2027.
Ayon kay Archbishop Brown, mahalagang maalala ng mga mag-aaral at magulang na ang bagong taon ng pag-aaral ay paalala na maaring muling magsimula kahit ano pa man ang kani-kanilang pinagdaanan sa buhay.
Sinabi ng Papal Nuncio na sa pamamagitan nito ay makakaharap ang bawat isa ang mga bagong hamon na mayroong pag-asa at positibong pananaw habang iniiwan ang mga negatibong karanasan ng nakaraan.
“So any negative experiences you have can be put behind you.You begin again today, fresh and new, with the entire academic school year in front ofyou. So be very hopeful, very optimistic, and know very clearly that God is watching over youand Our Lady is interceding for you,” ayon sa mensahe ni Archbishop Brown sa Programang Baranggay Simbayanan.
Binigyang-diin pa ng Apostolic Nuncio na ang pagbubukas ng klase ay isang panibagong pagkakataon upang matuto, umunlad at maghanda para sa hinaharap, kaya’t nararapat lamang na harapin ito nang may optimismo at pagtitiwala.
Ipinapaalala din ni Archbishop Brown sa mga mag-aaral na patuloy silang ginagabayan ng Diyos at ipinagdarasal ng Mahal na Birheng Maria sa kanilang paglalakbay sa edukasyon at buhay.
