161 total views
Inaanyayahan ng Radio Veritas ang mga mananampalataya na makiisa sa pagdalaw at pagparangal sa relikya ni St. Charbel Makhlouf na bibisita sa Our Lady of Veritas Chapel mula March 9 hanggang 13.
“Radio Veritas joyfully invites the faithful to venerate the sacred relic of St. Sharbel Makhlouf, which will be brought to the Our Lady of Veritas Chapel in Quezon City from March 9 to 13,” ayon sa pahayag ng himpilan.
Si San Sharbel ay kilala sa buong mundo dahil sa kanyang malalim na buhay panalangin at sa maraming ulat ng mga himala ng kagalingan sa pamamagitan ng kanyang pamamagitan.
Ayon sa Radio Veritas, patuloy nitong isinasagawa ang misyon ng pagpapalaganap ng pag-asa at espiritwal na kaaliwan sa mga may karamdaman sa pamamagitan ng pagsasahimpapawid ng healing Masses at mga panalangin para sa kagalingan.
“For many years, Radio Veritas has carried out its ministry of bringing hope and spiritual consolation to the sick through the broadcast of healing Masses and prayers for healing,” saad ng himpilan.
Dagdag pa ng himpilan na ang pagdalaw ng relikya ni San Charbel ay pagkakataon upang magkaisa ang mga mananampalataya lalo na ang mga may sakit at kanilang mga pamilya sa panalangin para sa habag at kagalingan ng Panginoon.
Sa mga nais maging Eucharistic Advocate ng himpilan, maaaring makipag-ugnayan kina Renee Jose at Ally Naje sa (02) 8925-7931 locals 129, 131, at 137 o mag-text sa 09176314589.
