9,114 total views
Isinulong ni Diocese of Tarlac Bishop Roberto Mallari ang higit na pagmamahal ng mga Pilipino sa bayan at pagalala sa mga Pilipinong nagsakripisyo ng buhay upang matamasa ang kalayaan.
Ito ang mensahe ng Obispo sa pagdiriwang ng 128th Philippine Independence Day sa June 12, araw ng Biyernes.
Ayon sa Obispo, higit na ngayong nahaharap ang Pilipinas sa maraming uri ng krisis ay mahalagang maisabuhay ang diwa ng Kalayaan sa pamamagitan ng pagkakaisa upang sama-sama mapaunlad ang Pilipinas.
Gayundin ang panghihimok sa mga Pilipino na simulan sa sarili ang mga inisyatibong nakatuon sa pagbangon ng bansa at pagpapabuti sa kalagayan ng Pilipinas.
““Maligayang Araw ng Kalayaan po sa ating lahat! Nawa’y patuloy nating ipagdiwang ang kalayaan sa pamamagitan ng pagkakaisa, pagmamahal sa bayan, at pagsisikap na mapabuti ang ating bansa.” Ayon sa mensahe para sa Araw ng Kalayaan na pinadala ni Bishop Mallari sa Radyo Veritas.
Gayundin ang mensahe pa ng Obispo sa bawat Pilipino na kung may kinakailangan iparating sa kapwa, sa pamahalaan at sa mga lider nito, ay huwag mag-atubili.
“Kung may kailangan pa po kayong iba, huwag mag-atubiling ipaalam. Karapat-dapat po na magkaisa tayo sa mga ganitong layunin.Pagpalain po kayo ng Diyos, at maraming salamat,” ayon pa sa mensaheng pinadala ni Bishop Mallari sa Radyo Veritas.
Ngayong 2026, bilang pagdiriwang sa 128th Independence Day ng Pilipinas ay itinalaga ito ng pamahalaan sa temang ”Kalayaan, Kinabukasan, Kasaysayan.”
