32,319 total reads
Nagsagawa ng simultaneous outreach programs ang 46 Parishes ng Diocese of Cubao ngayong August 26, 2023 bilang bahagi ng ika 20 taong anibersaryo ng diyosesis.
Ayon sa liham ni Bishop Ongtioco, layunin nito na iparamdam sa mga mananampalataya lalo na sa mga mahihirap na parishioner na ang diyosesis ay nakikiisa at dumaramay sa kanila bilang isang sinodal na simbahan.
Ito din ay upang ipakita ang tuloy-tuloy na pagtugon ng diyosesis sa panawagan ng Santo Papa Francisco na Synodality, sama-samang paglalakbay, nagkakaisa, nakikiisa at nagmimisyon.
Hindi ito ang unang beses na nagsagawa ng malawakang out reach program ang Diocese of Cubao, dahil ang bawat parokya ay mayroong regular o lingguhang pagtulong sa mga nangangailangan sa pangunguna ng Social Services and Development Ministry (SSDM)
Sa Lunes ika 28 ng Agosto ipagdiriwang ng diocese of cubao ang kanilang 20th anniversary sa pamamagitan ng banal na misa 4:30PM sa Immaculate Conception Cathedral of Cubao.
