15,074 total views
Ayon kay Humilitas Metro Manila Convenor Fr. Nicanor Lalog II, sa gitna ng mga hamong kinakaharap ng mundo at pagkawalay ng tao sa Diyos ay mahalagang muling maibalik ang pananahan ni Hesus sa puso ng bawat isa.
Binigyang diin ng pari na layunin din ng pagkilos na magkaroon ng kamalayan ang mamamayan na ang buwan ng Hunyo ay nakatalaga sa pagdiriwang ng Sacred Heart of Jesus.
“In this heartless and restless world, we go back to the heart of Jesus and we put Christ again at the center of our lives,” pahayag ni Fr. Lalog sa Radio Veritas.
Iginiit ni Fr. Lalog na pangunahing paanyaya sa pagdiriwang ng Kabanal-banalang Puso ni Hesus ang pagbabalik loob at pagtalikod sa mga kasalanang nagawa laban sa Diyos at sa kapwa.
“The more we become sensitive of ourselves, we become sensitive of God, we become sensitive of others,” giit ni Fr. Lalog.
Naniniwala si Humilitas for the Sacred Heart Movement Founder Raven Castaneda na bilang binyagang kristiyano ay mahalagang isulong ang debosyon ng Sacred Heart of Jesus sa buong pamayanan.
“This is a movement who promotes the devotion to the Sacred Heart of Jesus…Let us work to bring the Sacred Heart to the streets, in our homes, and in the hearts of everyone. Ito ang pinaka-crucial aspect ng devotion, the devotion is not just something we should keep in private instead we make it publicly available,” ani Castaneda.
Isasagawa ang gawain ng Humilitas – Metro Manila sa June 7 sa National Shrine of Mary, Queen of Peace o EDSA Shrine mula ala una hanggang alas singko ng hapon kung saan tampok ang pagkakaroon ng prusisyon sa Ortigas business district, pagdiriwang ng Banal na Misa, mga panayam at katesismo tungkol sa Sacred Heart of Jesus.
Sinimulan ni Castaneda ang Humilitas Movement noong nakalipas na taon sa Davao City kung saan ngayong taon ay isasagawa ito sa June 14 at 14 sa San Pedro Cathedral Auditorium.
Sa unang araw magkakaroon ng mga panayam sa paksang ‘The object and history of the Sacred Heart Devotion, Sacred Heart Devotion in the Holy Scripture and Church Documents, Humility of the Sacred Heart and Prideful Self-Assertion of Sinfulness, at ang, Bring the Sacred Heart back in out streets, in our homes and in our hearts.’
Sa ikalawang araw magkakaroon ng pangungumpisal sa ala una hanggang alas dos ng hapon na susundan ng Holy Hour bago ang isasagawa ang Humilitas March mula Sacred Heart Parish Obrero hanggang San Pedro Cathedral sa alas tres ng hapon habang magtatapos ang mga gawain sa pagdiriwang ng Banal na Misa.
Patuloy na inaanyayahan ang mananampalataya na makilahok sa mga gawain sa Metro Manila at sa Davao City na nakatuon sa Sacred Heart bilang paraan din ng paghahanda sa kapistahan ng Sacred Heart of Jesus sa June 27.
