590 total reads
Iginiit ni Pope Leo XIV na hindi likha ng tao kundi isang banal na institusyon ang pamunuan ng Simbahan na may layuning ipagpatuloy ang misyong ipinagkaloob ni Kristo sa mga Apostol hanggang sa wakas ng panahon.
Sa kanyang katesismo sa Angelus sa Vatican, binigyang-diin ng Santo Papa na ang istruktura ng Simbahang Katolika ay may banal na pinagmulan at hindi ordinaryong organisasyong panlipunan lamang.
“The hierarchical structure is not a human construct… but a divine institution whose purpose is to perpetuate the mission given by Christ to the Apostles until the end of time,” ayon kay Pope Leo XIV.
Ipinaliwanag ng Santo Papa na ang Simbahan ay itinatag mismo sa pundasyon ng mga Apostol at patuloy na ginagampanan ang misyon nito sa pamamagitan ng kaayusang nagsisilbi sa pagkakaisa, pagpapabanal, at misyon ng lahat ng mananampalataya.
“The Catholic Church is founded on the Apostles… and possesses a hierarchical structure that works in the service of the unity, mission and sanctification of all her members,” dagdag pa ng Santo Papa.
Nilinaw din ng punong pastol ng Simbahan ang kahalagahan ng apostolic succession kung saan ang ministeryo ng mga Apostol ay ipinagpapatuloy ng kanilang mga kahalili sa kasalukuyan.
“They hand on their ministry to men who… continue to sanctify, guide and instruct the Church ‘through their successors in pastoral office’,” ayon kay Pope Leo XIV.
Kasabay nito, itinampok ng Santo Papa na ang pamunuan ng Simbahan ay hindi kapangyarihang nangingibabaw kundi isang paglilingkod para sa sambayanan ng Diyos.
“The duty… committed to the shepherds of His people is a true service… called ‘diakonia’ or ministry,” paliwanag ng punong pastol.
Dagdag pa rito, ang tinatawag na ‘sacra potestas’ o banal na kapangyarihan na ipinagkakaloob sa mga inorden ay ginagamit hindi para sa sarili kundi para sa kapakanan ng Simbahan.
Hinimok ni Pope Leo XIV ang mga mananampalataya na ipanalangin ang patuloy na pagdami ng mga lingkod ng Simbahan na may pusong misyonero at tunay na pagmamahal sa Ebanghelyo.
“Let us pray… for ministers who are ardent with evangelical charity… and courageous missionaries in every part of the world,” panawagan ng Santo Papa.
