814 total views
Bawat bagay ay handog ng Panginoon sa sangkatauhan.
Ito ang mensahe ni Fr. Jayson Laguerta, Director ng Office for the Promotion of New Evangelization (OPNE), sa inilunsad na three-part documentary film na “The Gift of 500” sa San Carlos Seminary Auditorium sa Makati City.
Ayon kay Fr. Laguerta, hinati sa tatlong bahagi ang docu film: temang Gift of Christ, Gift of Community, at ang Gift of Mission.
Paliwanag ng Pari, ito ay upang maipabatid sa mga mananampalataya lalo na sa mga kabataan ang kahalagahan ng pagbabalik-tanaw sa mga pangyayari sa sinaunang panahon upang magbigay kamalayan sa kasalukuyan at susunod pang henerasyon.
“Kapag pinagsama-sama natin ito, mayaman talaga ang ating pananampalataya sa nakalipas na 500 taon, and this is our way of providing talking points so that the conversation continues,” ayon kay Fr. Laguerta.
Tagubilin naman ng pari sa mga mananampalataya lalo na sa mga kabataan na tuwinang magpasalamat sa anumang biyayang natatanggap biyaya, at kasabay din ng pagpapasalamat ay ang pagbabahagi ng biyaya sa kapwa.
“We are gifted, we are grateful, then let’s be generous. Let’s be generous by sharing our gifts to one another. Whatever it is, not necessarily financial or monetary but gifts of talents, time, or presence. These are the things that we can share para ang presensya ni Kristo ay mas maramdaman pa hanggang ngayon ng mga tao,” saad ng Pari.
Binigyang-diin pa ni Fr. Laguerta na nais ding ipaliwanag ng docu-film ang mga pagsubok na pinagdaanan upang maabot ng Kristiyanismo sa Pilipinas ang ika-500 taon at patuloy pang mapagyabong ang pananampalaya.
Ang “The Gift of 500” ay likha ng Archdiocese of Manila- Office for the Promotion of the New Evangelization, sa pakikipagtulungan ng Mary Mother of Hope Chapel-Landmark Makati, Sto. Niño de Paz Greenbelt Chapel, at St. Pauls.
