4,269 total views
Nagpasalamat ang mga convenor ng Trillion Peso March sa libu-libong mamamayan na nakiisa sa panawagan laban sa korapsyon sa People Power Monument sa EDSA, Quezon city.
Tinatayang higit 70,000 katao mula sa iba’t ibang sektor ang dumalo sa pagtitipon, kabilang ang mahigit 83 civil society organizations, mga paaralan, unibersidad, diyosesis at faith communities.
Ayon kay Bishop Jose Colin Bagaforo, lead convenor ng 𝐂𝐡𝐮𝐫𝐜𝐡 𝐋𝐞𝐚𝐝𝐞𝐫𝐬 𝐂𝐨𝐮𝐧𝐜𝐢𝐥 𝐟𝐨𝐫 𝐍𝐚𝐭𝐢𝐨𝐧𝐚𝐥 𝐓𝐫𝐚𝐧𝐬𝐟𝐨𝐫𝐦𝐚𝐭𝐢𝐨𝐧 (𝐂𝐋𝐂𝐍𝐓)- sa kabila ng kawalan ng pondo at labing-isang araw na paghahanda, matagumpay na naisakatuparan ang kilos-protesta na layong papanagutin ang mga tiwaling opisyal at wakasan ang sistemikong katiwalian.
Binigyang pagkilala rin ng convenors sa mga donor, volunteer, performers, ahensya ng gobyerno at lahat ng tumulong upang maisakatuparan ang makasaysayang pagtitipon.
Ayon pa kay Bishop Bagaforo na siya ring pangulo ng Caritas Philippines, mahalagang pagkakataon din ang naging pagdalo ni Kalookan Bishop Pablo Virgilio Cardinal David, pangulo ng Catholic Bishops Conference of the Philippines (CBCP)kasama ang mga taga-Kalookan na lalong nagpatibay sa panawagan para sa katarungan at pagbabago.
“We extend special thanks to Pablo Virgilio Cardinal David, President of the Catholic Bishops Conference of the Philippines, for his inspiring surprise visit, bringing his flock from Kalookan to amplify our voices. None of this would have been possible without God’s guiding hand,” ayon sa inilabas na pahayag ng CLCNT.
Binigyang-diin ng convenors na ito pa lamang ang simula ng mas malawak na pagkilos at nananatili silang nakikiisa sa publiko sa laban upang tuluyang mahinto ang katiwalian sa bansa.
“This miracle has only just begun. It inspires us through the tears, songs, and fervent prayers of those who cried out for justice. It kindles a moral fire in our hearts to eradicate corruption once and for all. Let us nurture this miracle until our demands are fully realized. The battle against this despicable evil of corruption shall continue,” ayon pa sa pahayag ni Bishop Bagaforo.
