77 total views
Binigyang-diin ni Pope Leo XIV na ang Simbahan ay isang realidad na pawang makatao at banal na patuloy na nabubuhay sa kasaysayan ng sangkatauhan.
Sa kanyang katekesismo hinggil sa Lumen Gentium ng Second Vatican Council, ipinaliwanag ng Santo Papa ang tunay na kalikasan ng Simbahan bilang isang misteryong may dalawang dimensyong nakatuon sa pagiging makalupa at espiritwal.
Ayon kay Pope Leo, hindi maaaring maunawaan ang Simbahan kung titingnan lamang ito bilang isang institusyon o organisasyon.
“The Church is at the same time an earthly community and the mystical body of Christ, a visible assembly and a spiritual mystery,” ayon kay Pope Leo XIV.
Paliwanag ng santo papa na bagamat ang Simbahan ay binubuo ng mga taong may kahinaan at pagkakamali, dito rin ipinakikita ng Diyos ang kanyang presensya at pagkilos sa mundo.
“She is a reality that is both human and divine, which welcomes the sinful man and leads him to God,” ani Pope Leo XIV.
Nilinaw din ng Santo Papa na hindi dapat asahan ang isang Simbahang ganap at hiwalay sa mga suliranin ng mundo.
“An ideal and pure Church, separated from the earth, does not exist; only the one Church of Christ, embodied in history,” paliwanag ng Santo Papa.
Ayon pa kay Pope Leo, ang misyon ng Simbahan ay nagmumula sa plano ng Diyos para sa sangkatauhan na ipinahayag sa pagkakatawang tao ni Hesukristo.
Sa kabila ng kahinaan ng mga kasapi nito, ipinaliwanag ng Santo Papa na dito rin nakikita ang pamamaraan ng Diyos sa pagpapakita ng kanyang kapangyarihan.
“Christ’s presence and his saving action are manifested through the smallness and fragility of her members,” dagdag ni Pope Leo XIV.
Hinimok din ng Santo Papa ang mga mananampalataya na patuloy itaguyod ang Simbahan sa pamamagitan ng pagkakaisa at pag-ibig.
Paalala ng pastol na ang tunay na lakas ng Simbahan ay hindi lamang nakasalalay sa mga istruktura o organisasyon nito kundi sa pamumuhay ng mga mananampalataya sa diwa ng pag-ibig at pakikipagkapwa.
