9,882 total views
Iniulat ng Caritas Manila na 1,163-libong Youth Servant Leadership and Education Program (YSLEP) scholars mula sa mahigit anim na libong mag-aaral ang nagtapos ng karera sa kolehiyo para sa school year 2025-2026.
Sa nasabing bilang ng graduates, 7 ang naging Summa Cum Laude, 92 ang Magna Cum Laude at 171 naman ang Cum Laude.
Dalawa naman sa YSLEP graduates ang nakapasok sa top 10 licensure examination sa pagiging guro at agriculturists.
Ipinaalala ni Manila Archbishop Jose Cardinal Advincula, Chairman of the Board ng Caritas Manila sa mga YSLEP graduate na ang pagiging iskolar ay hindi para sa sarili kundi pagkakataon na gamitin ang sipag,tiyaga at tapang sa pagtulong sa simbahan, pamilya at komunidad.
“Ang pagiging scholar ay hindi lamang para sa sarili, ito ay pagkakataon na gamitin ang inyong talino, sipag at tapang upang makatulong sa simbahan, komunidad at pamilya,” mensahe ni Cardinal Advincula
Inihayag naman ni Rev.Fr. Anton CT Pascual, executive director ng Caritas Manila na ang YSLEP scholars ay hinubog na maging servant leader at maging lingkod ng panginoon.
Ayon kay Father Pascual, ito ay isang biyaya na dapat ipagpasalamat sa panginoon.
“Magpasalamat tayo sa Diyos sa biyaya ng pagtatapos muli ng another batch, batch ’25 ng Caritas Manila YSLEP – Youth Servant Leadership and Education Program, ito po ang scholarship program ng Caritas Manila na kung saan hinuhubog natin ang mga kabataan na hindi lang magtapos ng kolehiyo at TechVoch kungdi maging Servant Leaders, maging lingkod ng Panginoon, ginagabayan sila for four years na magkaroon ng personal discipline, moral integrity and social responsibility,” pahayag ni Fr.Pascual
Mayorya sa mga YSLEP scholar ay kumukuha ng kurso sa agrikultura,Education, Business Administration at Information Technology.
