1,606 total reads
Puspusan ang paghahanda ng Diocese of Antipolo sa pagdiriwang ng sentenaryo ng Canonical Coronation ng Nuestra Señora de la Paz y Buen Viaje o Birhen ng Antipolo sa November 26 hanggang 28, 2026 sa Intramuros, Manila.
Pinangunahan ni Antipolo Bishop Ruperto Santos ang pagpupulong kasama ang mga Vicar Forane, Jubilee Committee, at Manila Cathedral Team’ upang isa-ayos ang schedule at mga aktibidad para sa tatlong araw na pagdiriwang.
Ibinahagi ng Manila cathedral na tinalakay sa pagpupulong ang mga pagdiriwang liturhikal, mga nakatakdang aktibidad, at iba pang kinakailangang paghahanda para sa makasaysayang okasyon.
“His Excellency Most Rev. Ruperto C. Santos, Bishop of Antipolo, called for a meeting with all the Vicars Forane, the Jubilee Committee, and the Manila Cathedral Team to discuss and finalize the schedule and activities for the upcoming Jubilee Celebration on November 26–28, 2026, in Intramuros, Manila. The bishop coordinated and finalized details of the Jubilee activities, including schedules, liturgical celebrations, and other necessary arrangements,” pagbabahagi ng Manila Cathedral.
Bahagi ito ng paggunita sa isandaang taon ng Canonical Coronation ng Mahal na Birhen ng Antipolo, bilang pagkilala sa matagal nang debosyon at pananampalataya ng mga Pilipino sa patrona ng mga manlalakbay.
Hinimok naman ni Antipolo Bishop Ruperto Santos ang mga mananampalataya at deboto ng birhen ng Antipolo na makiisa sa pagdiriwang ng makasaysayang selebrasyon.
“We will soon celebrate a hundred years of God’s abundant grace and the enduring honor and devotion given to Our Blessed Mother, the Virgin of Antipolo. A century of celebration and blessings that overflow a hundredfold!
Join us as we prepare to celebrate the Centennial of the Canonical Coronation of Nuestra Señora de la Paz y Buen Viaje on November 26–28, 2026, in Intramuros, Manila,”bahagi ng mensahe ng Diocese of Antipolo
