Facebook-f Twitter Instagram Youtube

Bishop Alminaza, ipinagtanggol ng RDG

Picture of Reyn Letran - Ibañez

Reyn Letran - Ibañez

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 2,502 total views

Patuloy ang pagbuhos ng suporta kay San Carlos Bishop Gerardo Alminaza na biktima ng red-tagging dahil sa aktibong pagsusulong ng usapang pangkapayapaan sa bansa.

Bukod sa mga kapwa Obispo, nagpaabot ng suporta kay Bishop Alminaza ang iba’t ibang institusyon, organisasyon at kongregasyon ng Simbahang Katolika gayundin ang mga kabilang sa ibang denominasyon.

Pinakabagong nagpahayag ng suporta kay Bishop Alminaza ang The Religious Discernment Group na pinangangasiwaan ng co-convener nito na si Rev. Fr. Wilfredo Dulay, MDJ.

Kinondena ng Religious Discernment Group ang pagpapalaganap ng mga maling impormasyon sa publiko ng Sonshine Media Network International, o SMNI kung saan tahasang inugnay ng mga host ng isang programa nito si Bishop Alminasa sa komunistang grupo sa bansa.

“These days, the Sonshine Media Network International, or SMNI, employs a couple of hosts for their program Laban Kasama ang Bayan to malign Bp Gerardo A. Alminaza, a known truth advocate and defender of the oppressed sectors of Philippine society.” pahayag ng The Religious Discernment Group.

Ayon kay Fr. Dulay, hindi katanggap-tanggap ang patuloy na red-tagging at pagkakalat ng mga maling impormasyon ng mga maituturing na huwad na mga mamamahayag laban kay Bishop Alminaza at sa iba pang may mabuting intensyon at pagnanais na isulong ang kaayusan at kapayapaan sa bansa.

Pinuna rin ni Fr. Dulay ang patuloy at pilit na pag-uugnay sa terorismo ng mga komunistang grupo sa kabila ng deklarasyon ni Manila Regional Trial Court (RTC) Branch 19 presiding judge Marlo Magdoza-Malagar na hindi magkasingkahulugan o magkapareho ang terorismo at ang pagiging komunista.

“These unscrupulous pseudo-journalists are harassing the Bishop [Bp Gerardo A. Alminaza] and members of other Christian churches by linking them with communist rebels. They insist on categorizing communists as a terrorist group, notwithstanding the legal declaration already pronounced by the Manila Regional Trial Court (RTC) Branch 19 presiding judge Marlo Magdoza-Malagar that communist rebels are not terrorists, and that guerrilla warfare is not synonymous with terrorism.” Dagdag pa ni Fr. Dulay.

Hinikayat naman ng Pari ang bawat isa na patuloy na ipanalangin ang kapakanan ng mga lingkod ng Simbahan gayundin ang lahat ng mga indibidwal na sa kabila ng banta ng kapahamakan dulot ng patuloy na red-tagging.

“Advocacy is a challenge to our human creativity and the tenacity that should accompany our Christian commitment. Let us pray for Bishop Gerry and his fellow advocates. Let us pray for the Filipino people who are deserving of better, and more than the abuse of exploiters posing as their leaders.” Ayon pa kay Fr. Dulay.

Iginiit ni Fr. Dulay na hindi biro ang banta at kapahamakan na maaaring idulot ng red-tagging lalo na laban sa mga human rights and peace advocates na tagapagsulong ng kapayapaan, karapatan at katahimikan sa bansa.

Pagkakamali at kahinaan, hindi hadlang sa pagtanggap ng Diyos

Michael Añonuevo Sunday, July 26, 2026 10:19 pm

 9,797 total views

Ibinahagi ni Ms. Joy Cancio kung paano ang kanyang pagkalugmok dahil sa pagkakalulong sa pagsusugal, kabilang ang pagharap sa isang matinding personal na krisis, ang naging daan tungo sa pagbabalik-loob at mas malalim na pagkilala sa Diyos sa ikaapat na bahagi ng Heart-to-Heart Talk ni Cardinal Luis Antonio Tagle sa 12th Philippine Conference on New Evangelization (PCNE XII).

Ayon kay Cancio, na dating dancer, talent manager at producer, nakamit niya ang marami niyang pangarap sa buhay kabilang ang pagkakaroon ng matagumpay na karera, negosyo at mga ari-arian, ngunit dumating ang panahon na unti-unting nawala ang mga ito dahil sa kanyang pagkahumaling sa pagsusugal.

“I have everything. I have the name, I have the money, I have my house, I have cars, I have a good business, I have a show. Pero lahat ‘yon tinanggal niya kasi ayaw ko tumigil sa sugal,” ayon kay Cancio.

Ikinuwento ng dating showbiz personality na nagsimula lamang sa paglalaro ng slot machine ang kanyang bisyo hanggang sa humantong ito sa malaking pagkalugi at pagkakautang, dahilan upang harapin niya ang pinakamabigat na pagsubok sa kanyang buhay.

Sa tindi ng kanyang pagkalugmok, sinabi ni Cancio na dumating siya sa puntong nawalan siya ng pag-asa at tinangkang wakasan ang kanyang buhay.

Ngunit sa gitna ng takot at paghihirap, muling nanumbalik ang kanyang pananalig sa Diyos at humingi ng tawad, gabay at bagong direksiyon sa kanyang buhay.

“Sabi ko, Lord, forgive me for what I have done. This time, I will follow. I will listen. Just show me the right path,” pagbabahagi ni Cancio.

Ayon kay Cancio, ang karanasang iyon ang naging simula ng kanyang mas malalim na pagbabalik sa Diyos matapos niyang maranasan ang pagtanggap at pagmamahal ng mga taong tumulong sa kanya na muling bumangon.

Higit niyang naramdaman ang presensya ng Diyos at naunawaan na ang tunay na kayamanan ay hindi lamang nasusukat sa tagumpay kundi sa relasyon sa Panginoon at sa pamilya.

“Dati, lumalapit ako sa Panginoon kapag may hiling ako. Nakakalimutan ko magpasalamat. Pero ngayon, kung ako po ay nagsasayaw noon para kumita, ngayon nagsasayaw na ako para sa Panginoon,” pahayag niya.

Pinuri naman ni Cardinal Tagle ang katapatan ni Cancio sa pagbabahagi ng kanyang karanasan at binigyang-diin na sa kabila ng pagkakamali ng tao ay nananatiling kaibigan ang Diyos na handang tumanggap at magbigay ng bagong simula.

“Minsan, iiwanan ka ng ibang tao. Hanggang sa makita natin may isang kaibigan na magiging tapat at maaasahan na kayang tanggapin pati yung ating pagkakamali. Kaya tayong tanggapin ni Jesus, pero minsan tayo hindi natin kayang tanggapin ang sarili natin,” pahayag ni Cardinal Tagle.

Sa pagtatapos ng kanyang pagbabahagi, hinikayat ni Cancio ang mga kabataan na umiwas sa pagsusugal at palalimin ang pagkilala sa Salita ng Diyos bilang sandata laban sa tukso at mga pagsubok sa buhay.

“When I accept Jesus in my life, I should know the Word of God. ‘Yun po ‘yung panglaban ko para makatayo ako sa mga tukso,” dagdag ni Cancio.

Pagtingin sa mga dukha bilang kaibigan, susi sa pagbabagong-buhay

Michael Añonuevo Sunday, July 26, 2026 7:09 pm

 13,979 total views

Hindi lamang pagbibigay ng materyal na tulong kundi ang pagkilala sa mga dukha bilang tunay na kaibigan ang nagiging daan upang mabago ang buhay ng kapwa at mapalalim ang pananampalataya.

Ito ang ibinahagi ni Bro. Artemio “Jun” Manuben, OFS, kasapi ng Secular Franciscan Order at full-time catechist ng Catechetical Foundation of the Archdiocese of Manila (CFAM), sa ikatlong bahagi ng Heart-to-Heart Talk ni Cardinal Luis Antonio Tagle sa 12th Philippine Conference on New Evangelization (PCNE XII) na ginanap sa University of Santo Tomas Quadricentennial Pavilion.

Si Bro. Manuben ay kabilang sa Franciscan Catechists na nagsasagawa ng katesismo at paglilingkod sa mga maralitang komunidad, kabilang ang mga batang nangangailangan ng gabay at pag-aaruga sa mga lugar sa Maynila.

Ayon sa lay Franciscan, ang kanyang pagmamahal kay San Francisco de Asis ang nagtulak sa kanya upang higit na yakapin ang misyon ng paglilingkod sa mga mahihirap at mga nasa laylayan ng lipunan.

“Hindi ko na lang sila tinuring na mga pulubi. Parang tinuring ko na rin silang mga kaibigan,” pagbabahagi ni Bro. Manuben.

Ikinuwento ni Bro. Manuben na nagsimula ang kanyang mas malalim na pakikipag-ugnayan sa mga mahihirap nang makadaupang-palad niya ang isang pamilyang namumuhay sa Delpan, Sta. Ana na dumaranas ng matinding kahirapan at suliranin sa bisyo.

Sa halip na minsanang pagtulong, pinili niyang patuloy silang samahan hanggang sa magkaroon ang pamilya ng mas maayos na tirahan at pagkakataong makapagsimula muli.

“Ang tinuro nila sa akin, kung paano ko sila mahalin. Hindi lang mahalin, bigyan din sila ng pag-asa,” ani Bro. Manuben.

Ibinahagi rin ng lay Franciscan na unti-unting bumuti ang kalagayan ng pamilya matapos silang matulungan na magkaroon ng mas maayos na kapaligiran para sa kanilang pamumuhay, habang malaking bahagi naman ng kanyang kinikita bilang katekista ang inilaan niya sa kanilang pagkain, upa at iba pang pangangailangan.

“Halos 80 percent ng natatanggap kong sahod ang napupunta sa [pagtulong] sa mga mahihirap. Kaya sabi ko, ito pala ‘yung pagiging kaibigan—’yung pagbibigay ng pag-asa, pagbibigay ng pagmamahal sa kanila,” dagdag pa niya.

Binigyang-pugay naman ni Cardinal Tagle ang patotoo ni Bro. Manuben at sinabing ang pagbabago ng pagtingin sa mga dukha ay nagpapakita ng tunay na diwa ng pamumuhay ni San Francisco de Asis.

Ipinaliwanag ng kardinal na ang tunay na pakikipagkaibigan ay nagbubukas ng isang bagong pananaw sa pagbabahagi, kung saan ang pagbibigay ay hindi lamang nagmumula sa labis na mayroon ang isang tao, kundi sa pusong handang makibahagi sa buhay ng kapwa.

“Kapag kaibigan, pamilya, it’s not just the surplus that you give… Hindi ka nawawalan kasi pamilya ang pinagbigyan mo. It’s a different type of vision,” ayon kay Cardinal Tagle.

Sa pagtatapos ng talakayan, binigyang-diin ni Cardinal Tagle na ang ganitong uri ng pagkakaibigan ay may kakayahang baguhin hindi lamang ang buhay ng mga nasa laylayan kundi maging ang Simbahan at lipunan, sapagkat sa bawat taong tinatanggap bilang kaibigan ay higit na nahahayag ang presensya ni Kristo sa gitna ng sambayanan.

Bumubuo ng PCNE XII, nagpapasalamat sa mga nakiisa at nakibahagi sa taunang pagtitipon

Reyn Letran - Ibañez Sunday, July 26, 2026 6:23 pm

 15,521 total views

Nagpaabot ng taos-pusong pasasalamat ang Executive Director ng Philippine Conference on New Evangelization (PCNE XII) na si Rev. Fr. Jason Laguerta sa libu-libong delegado, mga katuwang na organisasyon, boluntaryo, at mga institusyong naging bahagi ng matagumpay na pagdaraos ng ika-12 Philippine Conference on New Evangelization.

Sa kanyang closing message sa banal na misa bilang pagtatapos ng ikalawang araw ng PCNE XII, kinilala ni Fr. Laguerta ang University of Santo Tomas (UST) sa patuloy nitong pagbubukas ng mga pintuan para sa taunang pagtitipon ng Simbahang Katolika.

“Pinasasalamatan namin ang University of Santo Tomas for always welcoming us into your home, which has also become our home for the Philippine Conference on New Evangelization,” Bahagi ng pahayag ni Fr. Laguerta.

Binigyang-pugay rin ng Pari ang mga delegado mula sa Ministry with Persons with Disabilities (PWDs) bilang tanda ng patuloy na pagsusulong ng isang Simbahang tunay na bukas at inklusibo para sa lahat.

Bukod dito, nagbigay din si Fr. Laguerta ng espesyal na pagkilala sa mga Mangyan catechists mula sa mga pamayanang katutubo sa Mindoro na nakibahagi sa kumperensya bilang patunay na ang misyon ng Simbahan ay umaabot maging sa mga pamayanang nasa laylayan.

“We are deeply grateful to all of you. We would like to give a special mention to our delegates from the Ministry with Persons with Disabilities (PWDs). Let us give them a warm round of applause. We would also like to recognize a very special group that joined us for PCNE XII—our catechists from the Indigenous Peoples communities of Mindoro, our Mangyan catechists. Let us also give them a round of applause.” Dagdag pa ni Fr. Laguerta.

Ikinatuwa rin ni Fr. Laguerta ang pagdalo ng mga international delegates mula sa Canada, Estados Unidos, Australia, iba’t ibang bansa sa Asya, Africa, at South America, na ayon sa Pari ay nagpapakita na ang PCNE ay hindi na lamang pambansang pagtitipon kundi isa nang pandaigdigang pagtitipon ng Simbahang Katolika.

“PCNE is not only a national gathering; it is also an international gathering of the Church. Thank you very much for coming to the Philippines,” Ayon pa kay Fr. Laguerta.
Naniniwala ang Pari na ipinakikita ng malawak na partisipasyon ng iba’t ibang sektor ng Simbahan at ng pandaigdigang komunidad ang patuloy na pagsasabuhay ng diwa ng sinodalidad at ng panawagan ni Hesus na sama-samang maging mga kaibigan at misyonero ng Mabuting Balita.

Pagbabahagi ni Fr. Laguerta sa pamamagitan ng pagkakaisa ng mga obispo, pari, relihiyoso, layko, kabataan, mga katutubo, persons with disabilities, at mga delegado mula sa iba’t ibang bansa, ay higit na napalalakas ang misyon ng Simbahan na maipahayag ang Ebanghelyo sa makabagong panahon.

Nagbigay rin ng pagkilala ang Pari sa iba’t ibang mission partners, simbahan, congregations, lay organizations, educational institutions, media partners, sponsors at benefactors na naging katuwang sa matagumpay na pagsasagawa ng kumperensya.

Kabilang sa mga pinasalamatan ni Fr. Laguerta ang Couples for Christ Global Mission Foundation, Couples for Christ ANCOP, Order of Friars Minor (OFM), Conference of Major Superiors in the Philippines (CMSP), Missionary Servants of the Blessed Sacrament, Catholic Educational Association of the Philippines (CEAP), Association of Catholic Universities of the Philippines (ACUP), Catechetical Foundation of the Archdiocese of Manila, JesCom, Society of St. Paul, Sisters of St. Paul of Chartres, TV Maria, Archdiocese of Manila Office for Communications (RCAM-AOC), Radio Veritas, iba pang media partners, The Feast, iba’t ibang tanggapan ng ARCOM, exhibitors, volunteers, mga seminarista, at mga komisyon ng Catholic Bishops’ Conference of the Philippines (CBCP).

Load More

BE OUR PARTNERS

THIS PORTION IS BROUGHT YOU BY

Learn More

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

CONVERSION OF RELATIONSHIP

Friday, July 24, 2026 7:00 am 7:00 am

 116,306 total views

 116,306 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa

Read More »

NASAAN ANG SIMBAHAN

Thursday, July 23, 2026 7:00 am 7:00 am

 144,598 total views

 144,598 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS

Read More »

Upper-middle income na ang Pilipinas

Wednesday, July 22, 2026 7:00 am 7:00 am

 190,529 total views

 190,529 total views Mga Kapanalig, upgraded na daw ang Pilipinas!  Ayon sa World Bank, ang Pilipinas ay isa nang upper-middle income country. Ibig sabihin, lumampas na

Read More »

Ibinasurang paraiso

Tuesday, July 21, 2026 7:00 am 7:00 am

 223,611 total views

 223,611 total views Mga Kapanalig, napanood ba ninyo ang dokumentaryo tungkol sa lupang ninuno o ancestral land ng mga katutubong Aeta na ginawang tambakan ng basura

Read More »

Gaslighting

Monday, July 20, 2026 7:00 am 7:00 am

 244,883 total views

 244,883 total views Mga Kapanalig, narinig na ba ninyo ang salitang “gaslighting”? Ang gaslighting ay isang uri ng sikolohikal na manipulasyon kung saan ipinalalabas ng isang

Read More »

Watch Live

LISTEN LIVE TO DZRV846 E-RADIO PORTAL

RELATED ARTICLES

Load More
Scroll to Top