Umapela ang Federation of Free Workers sa Catholic Bishops’ Conference of the Philippines na paigtingin ang pakikiisa sa mga manggagawa upang mapalakas ang panawagan na isabatas 150-pesos wage hike.
Ayon kay Atty. Sonny Matula na Pangulo ng FFW, ito ay upang mapalakas ang panawagan at apela na itaas ang arawang sahod ng mga manggagawa.
Nakasaad sa ensiklikal ni Pope Leo XIII na Rerum Novarum na karapatan ng mga manggagawa na makatanggap ng wastong suweldo na nakaayon sa kanilang pinaghirapan bilang bahagi ng katarungang panlipunan.
“Rerum Novarum” articulates, as a matter of faith and morals, that workers deserve more than merely a living wage. Pope Leo XIII elaborated on the idea of “fair wages,” Ayon sa mensahe ni Atty.Matula na ipinadala sa Radio Veritas.
Sinabi ni Matula na patuloy na nararanasan ng mga manggagawa ang paniniil hindi lamang ng mga pribadong kumpanya kundi ng ilang opisyal ng pamahalaan.
Umaasa si Matula na maninindigan ang CBCP para makamit ng mga manggagawa ang ipinapanawagang katarungang panlipunan.
“As the country enters the Holy Week, the FFW underscores that the trade unions’ campaign for wage hike echoes the teachings of Pope Leo XIII’s 1891 encyclical, “Rerum Novarum.” This seminal text, advocating for just wages, remains a foundational aspect of the Church’s social doctrine, championing the rights and dignity of the labor forcem, FFW calls on employers, instead of opposing, to remember “Rerum Novarum” and support wage hike,” ayon pa sa mensaheng ipinadala ni Atty.Matula sa Radio Veritas.
Aprubado na sa Senado ang Senate Bill No. 2534 o 100-pesos daily minimum wage increase for workers act.
Unang nakiisa sa panawagan na wage increase ng mga manggagawa ang Manila Archdiocesan Ministry of Labor Concern.
Reyn Letran - Ibañez
Saturday, July 25, 2026 1:15 pm
157 total views
Hinimok ng Canadian theologian at co-founder ng Catholic Christian Outreach (CCO) na si André Regnier ang mga mananampalataya na huwag manatili sa kaalamang pangkaisipan si Hesus kundi magpasya ng personal na tugon ng pananampalataya sa pamamagitan ng paglalagay kay Kristo bilang sentro ng kanilang buhay.
Sa bahagi ng Prayer Pathways sa unang araw ng Philippine Conference on New Evangelization (PCNE XII), ipinaalala ni Regnier na bagama’t mahalagang maunawaan ang katauhan ni Hesus at ang Kanyang pagliligtas sa sangkatauhan ay hindi sapat ang paghanga o paniniwala mula sa malayo upang magkaroon ng tunay na ugnayan sa Panginoon.
“It is essential that we understand who Jesus is and what He has done for us. But knowing these truths intellectually is not enough. Simply believing them from a distance is not enough,” Bahagi ng pahayag ni Regnier.
Upang higit na maipaliwanag ang kahalagahan ng personal na pagtugon sa paanyaya ni Kristo, ibinahagi ni Regnier ang karanasan noong araw ng kanyang kasal kung saan hindi naging ganap ang kanilang tipan ng kanyang asawa hangga’t hindi nito naipapahayag ang salitang “I do” sa ilalim ng sakramento ng kasal.
Ayon kay Regnier, tulad ng pag-aasawa, nangangailangan din ng malayang pagtugon ang pakikipagkaibigan kay Hesus.
“Jesus has already offered us His friendship. The question is: Will we say yes?” Dagdag pa ni Regnier.
Hinamon din nito ang mga dumalo na suriin ang kanilang espirituwal na kalagayan sa pamamagitan ng pagtatanong kung si Hesus ba ay bahagi lamang ng kanilang buhay o tunay nang nasa pinakasentro nito.
“I’m not asking whether you’re a perfect Christian. I’m asking something much deeper. Where is Jesus in your life? Is He simply a part of your life? Or is He truly at the centre of your life?” Ayon pa kay Regnier.
Binigyang-diin din ni Regnier ang pahayag ni Pope Benedict XVI na nagsasabing walang mawawala sa sinumang magbubukas ng kanyang puso kay Kristo kundi sa halip ay matatanggap ang ganap na buhay.
“If we let Christ into our lives, He takes nothing away, and He gives you everything… Open wide the doors to Christ, and you will find true life,” pagbabahagi niya mula sa turo ng dating Santo Papa.
Kasunod nito ay inimbitahan ni Regnier ang mga kalahok na personal na ialay ang kanilang buhay sa Panginoon sa pamamagitan ng Prayer of Commitment, kung saan sama-samang idinalangin ang pagtanggap kay Hesus bilang Tagapagligtas at Panginoon ng kanilang buhay.
Nagtapos ang sesyon sa pamamagitan ng tahimik na panalangin at paghingi ng panibagong paggabay ng Espiritu Santo, habang paulit-ulit na inaanyayahan ang mga kalahok na manalangin ng, “Come, Holy Spirit,” bilang panawagan ng patuloy na pagbabagong-loob at mas malalim na pakikipagkaisa kay Kristo.
Isinasagawa ang Prayer Pathways bilang isa sa mga pangunahing espirituwal na gawain ng Philippine Conference on New Evangelization (PCNE XII) na naglalayong akayin ang mga mananampalataya tungo sa mas malalim na personal na pakikipagtagpo kay Hesukristo at panibagong sigla sa misyon ng ebanghelisasyon.
Hinimok ng opisyal ng Vatican ang mga mananampalataya na higit na unawain ang tunay na kahulugan ng Banal na Eukaristiya bilang sakramento ng pag-ibig at pagkakaibigan na dapat magbunga ng pagmamahal, malasakit, katarungan, at misyong Kristiyano sa pang-araw-araw na pamumuhay.
Ito ang binigyang-diin ni Cardinal Luis Antonio Tagle, Pro-Prefect ng Dicastery for Evangelization, sa kanyang plenary reflection sa unang araw ng 12th Philippine Conference on the New Evangelization (PCNE XII) na ginanap sa University of Santo Tomas Quadricentennial Pavilion.
Ayon sa kardinal, hindi dapat limitado sa mga ritwal at seremonya ang pagtingin ng mga mananampalataya sa Eukaristiya sapagkat ito ang pagpapahayag ng pinakadakilang pag-ibig at pagkakaibigan ni Hesus sa sangkatauhan.
“The Eucharist is the Sacrament of Love. It is the Sacrament of Friendship,” ayon kay Cardinal Tagle.
Ipinaliwanag ni Cardinal Tagle na ang pananatili kay Kristo, batay sa panawagang “Remain in me,” ay isang panawagang aktibong pamumuhay ng pag-ibig.
“Remain in Jesus means loving. And love is active,” giit ng kardinal.
Sinabi ni Cardinal Tagle na ang bawat pagdiriwang ng Eukaristiya ay dapat magbunga ng pagbabago sa pakikitungo ng mga mananampalataya sa kanilang kapwa, lalo na sa mga mahihirap at nangangailangan.
Binigyang-diin ng opisyal na hindi maaaring ihiwalay ang pagsamba sa Diyos sa pananagutang magmahal at magbahagi sa kapwa.
“We cannot celebrate the breaking of the Bread during Mass and then, after Mass, practice the hoarding of bread—keeping everything for ourselves and refusing to share,” ayon pa kay Cardinal Tagle.
Sinabi pa ng kardinal na ang isang tunay na pamayanang eukaristiko ay nakikilala hindi lamang sa maayos na pagdiriwang ng Misa kundi sa paraan ng paggalang, pagmamalasakit, at pakikipagkaibigan sa kapwa.
“Relationships. Friendship. Respect. Compassion. These are the unmistakable marks of a truly Eucharistic community,” saad pa ng kardinal.
Paalala ni Cardinal Tagle na ang Huling Hapunan ay nagsilbing simula ng bagong kasaysayan ng pagkakaibigan sa kabila ng pagtataksil na naranasan ni Hesus.
Aniya, sa halip na gumanti, pinili ni Kristo ang pag-aalay ng sarili upang wakasan ang poot at paghihiganti.
Nagbabala rin si Cardinal Tagle laban sa pagdadala ng makamundong pagtingin sa loob ng pagdiriwang ng Eukaristiya, kabilang ang pagbibigay ng labis na pagpapahalaga sa personalidad ng mga punong tagapagdiwang o sa mga panlabas na bagay sa halip na nakatuon ang presensya kay Kristo.
Aniya, ang sentro ng Eukaristiya ay si Hesus at hindi ang sinumang pari, obispo, o kardinal.
Tinukoy rin ng kardinal ang pagtatapos ng Misa bilang panawagan sa misyon at hindi lamang simpleng pagtatapos ng pagdiriwang.
“It is not simply dismissal. It is a mission,” ayon pa kay Cardinal Tagle.
Ipinaliwanag niyang ang bawat tumatanggap ng Katawan ni Kristo ay isinusugo upang ibahagi sa kapwa ang Salita ng Diyos, ang pag-ibig ni Kristo, at ang mabuting balita ng kaligtasan.
Binigyang-diin pa ni Cardinal Tagle na ang pagkakaibigang ipinamalas ni Hesus ay dapat ding maging huwaran ng bawat Kristiyano sa pakikitungo hindi lamang sa kapwa at sa sangnilikha.
“Jesus has treated us as His friends. Therefore, let us also treat our fellow human beings, and even the world itself, as our friends,” aniya.
Hinimok ng kardinal ang mga mananampalataya na hayaang hubugin ng Eukaristiya ang kanilang buong pamumuhay at hindi lamang ang kanilang pakikilahok sa Misa.
Dumalo sa unang araw ng PCNE XII ang halos 4, 000 mananampalataya mula sa iba’t ibang diyosesis sa bansa.
Nagkaisa ang tatlong obispo ng Samar Island sa pagsuporta sa panawagan ng Diocese of Borongan na tutulan ang mga aktibidad ng pagmimina sa Eastern Samar sa pamamagitan ng pagpapatibay ng mga resolusyon ng mga lokal na pamahalaan.
Sa inilabas na Letter of Endorsement, buong pusong inendorso ng Samar Island Partnership for Peace and Development (SIPPAD) ang pastoral position statement ng Diocese of Borongan na nananawagan sa mga Municipal at Barangay Council ng Giporlos at Balangiga na tutulan ang pagmimina sa kanilang mga nasasakupan.
Ayon sa SIPPAD, ilang dekada nang nasasaksihan ng mga mamamayan ng Samar ang pangmatagalang epekto ng pagmimina sa kalikasan, kabuhayan, at mga pamayanan.
“The experiences of Homonhon, Manicani, and other areas where mining has been undertaken or proposed remind us that decisions regarding our natural resources have lasting consequences for ecological integrity, food security, and the well-being of present and future generations,” ayon sa SIPPAD.
Binigyang-diin ng grupo na patuloy na dumarami ang mga exploration permit at interes sa pagmimina sa mainland Samar kaya kinakailangan ang mapanuring pakikilahok ng publiko at responsableng pamumuno ng mga lokal na opisyal.
Iginiit din ng SIPPAD na ang tunay na kaunlaran ay hindi lamang nasusukat sa kita kundi sa pangangalaga sa tao, kalikasan at katarungan.
“Development should never come at the expense of human dignity or the integrity of creation. True progress is measured not only by economic gains but also by the protection of communities, ecological sustainability, and peace founded on justice,” saad ng grupo.
Dahil dito, hinikayat ng SIPPAD ang mga municipal at barangay council sa buong Samar Island na gamitin ang kanilang kapangyarihan upang magpatibay ng mga patakarang mangangalaga sa kapaligiran at kapakanan ng mga mamamayan.
Nanawagan din ang grupo sa lahat ng sektor na magsulong ng isang uri ng kaunlarang magtitiyak ng malilinis na ilog, protektadong kagubatan, masaganang pangisdaan, produktibong sakahan, at ligtas na kinabukasan para sa susunod na henerasyon.
Ang liham ng pag-endorso ay nilagdaan nina Calbayog Bishop Isabelo Abarquez, Borongan Bishop Crispin Varquez, at Catarman Bishop Nolly Buco bilang pagpapakita ng pagkakaisa ng Simbahan sa pagsusulong ng pangangalaga sa kalikasan at kabutihang panlahat.
47,240 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa
75,531 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS
121,462 total views Mga Kapanalig, upgraded na daw ang Pilipinas! Ayon sa World Bank, ang Pilipinas ay isa nang upper-middle income country. Ibig sabihin, lumampas na
154,545 total views Mga Kapanalig, napanood ba ninyo ang dokumentaryo tungkol sa lupang ninuno o ancestral land ng mga katutubong Aeta na ginawang tambakan ng basura
179,795 total views Mga Kapanalig, narinig na ba ninyo ang salitang “gaslighting”? Ang gaslighting ay isang uri ng sikolohikal na manipulasyon kung saan ipinalalabas ng isang
3,923 total views Nanawagan ni San Fernando, La Union Bishop Daniel Presto ang mas malalim na pakikipagkaibigan kay Hesus bilang pundasyon ng sama-samang misyon ng Simbahan.
15,267 total views Pinatatag ng Australia at De La Salle University (DLSU) ang matagal nang ugnayan sa edukasyon, kalakalan, at pangrehiyong kooperasyon bilang bahagi ng pagsusulong
5,031 total views Lubos ang pasasalamat ng pamunuan ng Radyo Veritas sa panginoon sa biyayang ipinagkaloob sa Radyo ng Simbahan. Taos-puso ding nagpapasalamat si Fr. Roy
6,714 total views Binigyan-diin ni Father Jason Laguerta, Director ng Office for the Promotion of the New Evangelization (OPNE) at Philippine Conference on New Evangelization (PCNE)
