First Things First & Homilies, Latest Blog

Homily September 1, 2024

September 1, 2024
7:00 am

Most Rev. Broderick Pabillo, D.D.

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

Metrobank Savings Account No.: 076-3-076270210
Banco De Oro Savings Account No.: 001-630011876
BPI Savings Account No.: 0213-3251-91
PNB – Savings account No.: 105-910-013-091

25,799 total views

22nd Sunday of Ordinary Time Cycle B

World Day of Prayer for the Care of Creation

Deut 4:1-2.6-8 James 1:17-18.2-22.27 Mk 7:1-8. 14-15. 21-23

Ang Salita ng Diyos. Napakahalaga nito. Napakinggan natin ang pagbasa kanina mula sa sulat ni Santiago: “Niloob ng Diyos na tayo’y maging anak niya sa pamamagitan ng SALITA NG KATOTOHANAN, upang matangi tayo higit sa lahat ng kanyang nilalang. Buong pagpapakumbabang TANGGAPIN ANG SALITA NG DIYOS na natanim sa inyong puso. Ito ang magliligtas sa inyo. MAMUHAY KAYO AYON SA SALITA NG DIYOS.”

Dahil sa Salita ng Diyos natatangi tayo sa iba. Hindi ba iyan din ang sinabi ni Moises sa ating unang pagbasa? Hahanga ang mga tao dahil sa batas ng Diyos na ibinigay niya sa mga Israelita. Mahal ng Diyos ang kanyang bayan kaya binigyan niya sila ng batas. At matuwid at maganda ang mga batas na ito. Kaya huwag nila itong palitan at dagdagan. Isabuhay lamang nila ito. Ito ang karangalan nila.

Pero ang Salita ng Diyos ay hindi lang karangalan natin kasi ito ay makatwiran. Ito rin ang magliligtas sa atin. Ililigtas tayo ng Salita ng Diyos kasi hindi tayo maliligaw sa landas ng buhay dahil dito. Ito ay magdadala sa atin patungo sa kabutihan natin. At hindi lang. Ang Salita ng Diyos ay may kapangyarihan na magbigay ng buhay. Napapasigla tayo nito. Ngunit magkakaroon ng bisa ang Salita ng Diyos kung ito ay itinatanim natin sa ating puso at isinasabuhay natin.

Sa ating ebanghelyo nagalit si Jesus sa mga Pariseo at mga Eskriba na siyang mga leaders ng mga Hudyo noong kanyang panahon. Mas pinapahalagahan nila ang mga sabi-sabi ng matatanda nila kaysa sa Salita ng Diyos. Mas pinahalagahan nila ang mga panlabas na gawain tulad ng maghugas ng kamay bago kumain, maghugas ng mga kakainan, kung ano ang dapat kainin, at iba pang katuruan ng kanilang matatanda na hindi naman mga turo ng Diyos. Halimbawa, sa halip na igalang at suportahan ang kanilang mga magulang ayon sa batas ng Diyos, hindi na nila ito nagagawa kasi ang dapat isuporta sa mga magulang ay itinalaga na daw nila sa Diyos, na hindi naman ito sinabi ng Diyos. Abalang-abala sila kung ano ang kinakain nila at maraming pinagbabawal na pagkain sa kanila, tulad ng pagkain ng baboy, ng isdang walang kaliskis, ng dugo at iba pa. Hindi naman tayo nagkakasala, wika ni Jesus, dahil sa kinakain natin. Ang talagang nagdadala ng kasalanan sa atin ay ang mga masasamang balak o plano o mga salita na nanggagaling sa ating bibig. Hindi gaano ang pumapasok sa ating bibig ang nagpaparumi sa atin kundi ang lumalabas sa ating bibig, tulad ng ating mga salitang masasakit. Dito nanggagaling ang kasamaan kasi ang nanggagaling sa ating bibig ay nagmumula sa ating puso. Kaya kung marumi ang ating mga salita iyan ay dahil marumi ang ating puso at iniisip. Ang galit sa ating bibig ay galing sa galit sa ating puso. Iyan ang nagpapadumi sa atin. Pinapalitan na ng mga Hudyo noon ang sinusunod nilang salita na salita ng kanilang kaugalian at hindi Salita ng Diyos.

Mahalaga, mga kapatid, ang Salita ng Diyos. Ito ay ang Salita ng Katotohanan at mapalad tayo na iyan ay ipinaaalam sa atin ng Diyos. Tanggapin natin ito, unawain, itanim sa ating puso at isabuhay.

Ang Salita ng Diyos ay nanggagaling sa Bibliya na pinapaliwanag ng simbahan. Hindi lang tayo binigyan ng Diyos ng nakasulat na Salita. Binigyan din tayo ng simbahan upang tulungan tayo na ito ay unawain ng wasto at isabuhay. Kahit na matagal nang isinulat ang Bibliya – mga higit ng tatlong libong taon na, ito ay angkop pa rin sa ating panahon kasi hindi naman nagbabago ang Diyos at hindi naman nagbabago ang patutunguhan ng tao, na walang iba kundi ang langit. Ginagabayan tayo ng Salita ng Diyos patungo doon.

Binibigyan tayo ng simbahan ng mga aral para sa ating panahon ngayon upang maging tapat tayo sa Diyos. Isang katuruan ng simbahan na maliwanag na kailangan natin ngayon ay ang pangangalaga sa kalikasan. Ang kalikasan ay gawa ng Diyos. Natuwa ang Diyos sa kanyang ginawa; nagandahan siya rito. Ginawa ng Diyos ang tao bilang tagapangalaga nito. Dahil sa pag-aabuso ng tao sa kalikasan dumating ang malaking pagkasira nito. Kaya ito, nagdurusa tayo ng matinding tag-init at matinding mga bagyo at mga baha.

Upang tawagin ang ating pansin sa ating responsibilidad sa kalikasan, ginawa ng simbahang na ang Sept 1 kada taon ay ang World Day of Prayer for the Care of Creation. Ipagdasal natin na harapin na natin ang ating pananagutan sa kalikasan. Ipagdasal natin ang mga political at business leaders natin na pangunahan tayo sa pagpapahalaga sa kalikasan at hindi lang na ito ay pagkakaperahan lang. Ipagdasal natin na magbago na ang takbo ng ating buhay upang hindi tayo maging makasarili at pansinin lang ang ikasasaya natin ngayon na hindi isinasaalang-alang ang pangangailangan ng mga dukha at ng mga susunod na generasyon. Anong klaseng mundo ba ang ipamamana natin sa ating mga anak at mga apo? Kaya ngayong Linggo, September 1, isama natin sa ating pagsamba sa Diyos ang pasasalamat sa biyaya ng kalikasan at ipagdasal natin na imulat sa bawat isa sa atin ang tungkulin nating alagaan ang magandang mundo na regalo sa atin ng Diyos.
Pero ang kamalayan ng ating pananagutan sa kalikasan ay hindi lang para sa isang araw. Ginawa ng simbahan na taon-taon mayroon tayong SEASON OF CREATION. Ito ay mula September 1 hanggang Linggo ng mga Katutubo na ngayong taon ay sa October 13. Sa higit na anim na linggong ito isaalang-alang natin ang tungkulin natin sa kalikasan. Magdasal at kumilos din tayo. Kumilos tayo sa pangangalagaan ito.

Dalawa ang magagawa natin dito. Una, huwag tayong basta-bastang gumamit at magtapon ng plastic. Tayong lahat ay nakaka-contribute sa pagkasira ng mundo sa mga plastic na tinatapon natin. Iwasan ang paggamit ng plastic. Huwag itong basta-basta na lang na itatapon. Pangalawang magagawa natin ay magtanim ng puno. Malaki ang magagawa natin para sa kalikasan kung ang bawat isa ay magtanim ng puno. Ilan tayo na nandito sa simbahan– 100 na tao? 200? 300? Imagine kung linggo linggo magtatanim tayo ng isang puno, o isang tanim man lang. Sa loob ng 6 na linggo ng Season of Creation, sa ating maliit na community, ilang daan ang matatanim natin? Kung 100 tayo, at ang bawat isa ay magkapagtanim ng 6 na puno, iyan ay 600 trees na. Isang chapel pa lang tayo. Kung 4000 Catholics tayo sa parokyang ito – iyan ay 24,000 trees na. Maraming oxygen na ang maiaambag niyan sa ating mundo.

Ang Salita ng Diyos ay ating itanim sa ating puso at isabuhay. Kumilos tayo ayon sa Salita na sinasabi sa atin ng Diyos.

Tutulan ang mining exploration sa Giporlos at Balangiga, panawagan ng Diocese of Borongan sa lokal na pamahalaan

Michael Añonuevo Friday, July 24, 2026 10:47 am

1,129 total views

Nanawagan ang Diocese of Borongan sa mga lokal na pamahalaan ng Giporlos at Balangiga sa Eastern Samar na magpasa ng mga resolusyong tumututol sa mga aktibidad ng pagmimina kasunod ng pag-apruba ng Mines and Geosciences Bureau (MGB) sa isang exploration permit sa dalawang bayan.

Sa pastoral position statement ng Borongan Diocesan Commission on Social Action–Justice and Peace (DCSA-JP), na inendorso ng Samar Island Partnership for Peace and Development (SIPPAD), sinabi ng diyosesis na bagama’t para lamang sa mineral exploration ang ipinagkaloob na permit na sumasaklaw sa humigit-kumulang 902.99 ektarya sa Giporlos at Balangiga, maaari itong maging unang hakbang tungo sa aktuwal na pagmimina.

“While the permit authorizes mineral exploration—not commercial mining—it marks the beginning of a process that may lead to mineral extraction. This makes it both timely and necessary for our communities and local government units to discern and express their position,” ayon sa Borongan DSCA-JP.

Binigyang-diin ng diyosesis na ang pangangalaga sa kalikasan ay isang moral na pananagutan at hindi dapat maisantabi ang kapakanan ng tao at ng mga susunod na henerasyon kapalit ng mga pangakong pang-ekonomiya.

Ayon pa sa pahayag, paulit-ulit nang napatunayan sa Samar ang mga panganib na kaakibat ng pagmimina batay sa karanasan ng mga pamayanan sa Bagacay, Homonhon Island, Manicani Island, at iba pang lugar na naapektuhan ng pagmimina at mineral exploration.

Kabilang sa mga posibleng epekto nito ang pagkasira ng kagubatan at watershed, kontaminasyon ng mga ilog at karagatan, pagkawala ng sakahan at pangisdaan, pagtaas ng panganib ng pagbaha, pagguho ng lupa, gayundin ang pagkakaroon ng hidwaan sa mga komunidad.

“Learning from the experiences of Bagacay, Homonhon, and Manicani, we believe that protecting our environment today is an act of justice for present and future generations,” ayon sa diyosesis.

Binigyang-diin ng Diocese of Borongan ang mahalaga ang pangangalaga sa likas na yaman ng Eastern Samar bilang panangga laban sa kalamidad at mahalagang pinagkukunan ng kabuhayan ng mga mamamayan.

Dahil dito, hinimok ng diyosesis ang mga Sangguniang Bayan ng Giporlos at Balangiga, gayundin ang mga barangay, na magpasa ng mga resolusyong tututol sa pagmimina upang mapangalagaan ang kalikasan at kapakanan ng mga susunod na henerasyon.

Nanawagan din ang simbahan sa iba’t ibang sektor na magkaisa sa pagsusulong ng kaunlarang kumikilala sa dignidad ng tao, pangangalaga sa sangnilikha, at kabutihang panlahat.

“The Diocese of Borongan remains steadfast in promoting peace, justice, and responsible stewardship of our common home,” saad ng diyosesis.

Isabuhay ang kultura ng pagkakaibigan, paanyaya ni Cardinal Advincula sa PCNE 2026 participants

Norman Dequia Friday, July 24, 2026 10:45 am

1,100 total views

Hinimok ni Manila Archbishop Jose Cardinal Advincula ang mga Katoliko na isabuhay ang tunay na Kristiyanong pagkakaibigan sa pamamagitan ng mahinahong pag-akay sa kapwa sa halip na pilitin ang kanilang pagbabago.

Ito ang binigyang-diin ng arsobispo sa pagbubukas ng 12th Philippine Conference on the New Evangelization (PCNE XII) sa University of Santo Tomas Quadricentennial Pavilion.

Sa kanyang homiliya, sinabi ng kardinal na ang ebanghelisasyon ay dapat isabuhay sa diwa ng pagtitiis, pagtitiwala sa Diyos at pagtutulungan, na inilarawan niya sa tatlong Marian virtues na hinay-hinay, kanunay, at buligay, na siya ring tema ng PCNE XII na “Sangkay” o pagkakaibigan.

Binigyang-diin ni Cardinal Advincula na ang tunay na pagmamahal ay hindi namimilit kundi nag-aakay.

“But Mary reminds us that, in true friendship, love never forces; but simply accompanies. Ang totoong kaibigan ay marunong maghintay, dahil ang paghihintay ay pagmamahal din. Gradualness is a language of love. Sa pagmamahal, hindi minamadali o pinipilit ang tao,” ayon kay Cardinal Advincula.

Ayon sa kardinal, mahalagang matutuhan ng Simbahan ang pamamaraan ni Maria sa pag-akay sa kapwa, lalo na sa mga nahihirapang lumago sa pananampalataya.

“Like Mary, may we learn to accompany our friends rather than control them, to encourage them rather than pressure them, and to trust that God will complete the work he has begun in every heart,” dagdag pa ng arsobispo.

Tinukoy din ni Cardinal Advincula na dumarating sa bawat tao ang yugto ng panghihina sa pananampalataya, bokasyon at mga ugnayan, subalit iginiit na hindi ito dapat maging dahilan upang talikuran ang Diyos.

“When the joy diminishes, or the enthusiasm fades, our first response should not be to give up or walk away, but to turn to Jesus,” aniya.

Ayon pa sa arsobispo, isa sa mga hamon ng kasalukuyang panahon ay ang paghahanap ng panibagong karanasan sa halip na manatiling tapat sa mga pangakong ginawa.

Ipinaalala ni Cardinal Advincula na ang matatag na pananampalataya ay nasusukat sa patuloy na pananalangin, paglilingkod at pagmamahal kahit sa gitna ng karaniwang takbo ng buhay.

Hinikayat ng kardinal ang mga mananampalataya na isabuhay ang kultura ng pagtutulungan sa loob ng Simbahan, sa halip na umasa lamang sa iilang tao sa gawaing misyonero.
“Christian friendship is never a one-way relationship but a shared journey in which we become instruments of God’s grace for one another,” giit ni Cardinal Advincula.

Iginiit din ng arsobispo na ang pakikibahagi sa misyon ng Simbahan ay bunga ng pakikipagkaibigan kay Kristo at hindi lamang pagtupad sa isang tungkulin.

“Indeed, Jesus has called us to be his friends, not his slaves. We are friends who share in the mission of Jesus, not slaves or employees who labor to impress or please a boss,” ayon pa sa kardinal.

Sinabi ni Cardinal Advincula na ang Simbahang nakaugat sa tunay na pagkakaibigan ay isang pamayanang walang iniiwan at sama-samang nagdadala ng pasanin ng bawat isa.
“In a Church that is built on the mutuality of friendship, no one walks alone. We pray for one another, encourage one another, forgive one another, and strengthen one another,” giit ng kardinal.

Ang PCNE XII, na may temang “Sangkay,” ay naglalayong palalimin ang diwa ng Kristiyanong pagkakaibigan bilang landas ng bagong ebanghelisasyon at misyon ng Simbahan sa Pilipinas.
Kabilang sa mga tampok sa unang araw ng pagtitipon ang keynote address ni Naval Bishop Rex Ramirez at ang Heart to Heart talk kasama si Cardinal Luis Antonio Tagle, pro-prefect ng Dicastery for Evangelization ng Vatican.

66 percent ng mga Pilipino, walang sinusuportahang kandidato sa 2028 national elections

Reyn Letran - Ibañez Thursday, July 23, 2026 6:28 pm

13,892 total views

Opisyal na inihayag ng Momentum Research na isang next-generation public opinion research firm ang kauna-unahang National Momentum Survey nito kaugnay sa mga pananaw at saloobin ng mga Pilipino hinggil sa mga pangunahing isyung pambansa.

Kabilang sa mga tinalakay ang impeachment trial ni Vice President Sara Duterte, ang nakatakdang ika-limang State of the Nation Address ni Pangulong Marcos, at ang pre-election preferences para sa 2028 National Elections.

Batay sa resulta ng National Momentum Survey para sa General Pastisanship lumabas na 66.6 na porsyento ang independent o walang sinusuportahan; 16.7% ang suportado sa administrasyon; 13% sa oposisyon; 2.4% ang hindi alam o sigurado; at 1.2% naman ang tumangging sumagot.

Sa Factional Partisanship naman, lumabas na 45% ang independent o walang sinusuportahan; 28.9% ang taga-suporta ng mga Duterte at kaalyado; 12.4% ang oposisyon; at 11% naman ang taga-suporta ng mga Marcos at mga kaalyado nito.

Samantala, sa usapin naman ng kamalayan sa nagaganap na Impeachment Trial laban kay Vice President Sara Duterte, lumabas na 55.5% ang nabalitaan ang impeachment ngunit hindi gaanong nasubaybayan; 29.1% ang hindi nabalitaan ang impeachment; 12.6% ang nabalitaan at nasubaybayan; at 0.1% naman ang hindi alam o hindi sigurado.
Sa datos na ito pinakamarami ang sumusubaybay sa impeachment trial ng bise president sa metro Manila sunundan ng rest of Luzon, Mindanao at Visayas.

Kabilang din sa mga sinuri ang pananaw ng taumbayan kung dapat bang humarap si Vice President Duterte sa Impeachment Court kung saan lumabas na 44.3% ang naniniwalang lubos na mahalaga ang pagharap ng bise presidente sa pagdinig; 39% ang mahalaga; habang 13.6% naman ang hindi mahalaga.

Kaugnay naman sa pinaka-kapanipaniwalang paratang o article of impeachment laban kay VP Sara, lumabas na 24.2% ang maanomalyang paggamit ng confidential fund; 16.2% ang tangkang pagpatay sa pangulo at iba pa; 11% ang hindi maipaliwanag na yaman; 9.6% ang panunuhol sa mga kawani ng DEPED.

Lumabas rin sa pagsusuri na 36.6% ang nagtitiwala sa Senado bilang Impeachment Court; 35.5% ang hindi nagtitiwala; 12.7% ang lubos na nagtitiwala; 8.5% naman ang hindi alam o hindi sigurado.

Samantala, kaugnay naman sa mga usapin o suliranin na dapat na tutukan sa lipunan lumabas sa pagsusuri na nangunguna sa mga dapat na tutukang usapin ang korapsyon partikular na ang flood control scandal na nakakuha ng 42.6%; sinundan ng trabaho at pangkabuhayan sa 27.9%; presyo ng mga bilihin o inflation sa 23.5%; kahirapan o poverty sa 13.3%; health care sa 12.7%; 11% naman sa edukasyon; 9.8% sa illegal na droga; 8.3% sa agrikultura at food security; 6.5% sa impeachment ng bise president; 5.6% sa presyo ng produktong petrolyo; 5.2% sa peace and order at kriminalidad; at 1.3% sa pabahay.

Ayon sa organisasyon, layunin ng survey na matiyak na maririnig ang boses ng bawat Pilipino habang tinatahak ng bansa ang isang “unprecedented path” sa gitna ng mahahalagang usaping pampulitika.

BE OUR PARTNERS

THIS PORTION IS BROUGHT YOU BY

ADVOCATE

Radyo Veritas Advocacy Category by Author

Veritas Editorial

Rev. Fr. Anton CT Pascual

CONVERSION OF RELATIONSHIP

Friday, July 24, 2026 7:00 am 7:00 am

6,281 total views

6,281 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa

NASAAN ANG SIMBAHAN

Thursday, July 23, 2026 7:00 am 7:00 am

34,572 total views

34,572 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS

Upper-middle income na ang Pilipinas

Wednesday, July 22, 2026 7:00 am 7:00 am

80,502 total views

80,502 total views Mga Kapanalig, upgraded na daw ang Pilipinas! Ayon sa World Bank, ang Pilipinas ay isa nang upper-middle income country. Ibig sabihin, lumampas na

Ibinasurang paraiso

Tuesday, July 21, 2026 7:00 am 7:00 am

113,584 total views

113,584 total views Mga Kapanalig, napanood ba ninyo ang dokumentaryo tungkol sa lupang ninuno o ancestral land ng mga katutubong Aeta na ginawang tambakan ng basura

Gaslighting

Monday, July 20, 2026 7:00 am 7:00 am

141,487 total views

141,487 total views Mga Kapanalig, narinig na ba ninyo ang salitang “gaslighting”? Ang gaslighting ay isang uri ng sikolohikal na manipulasyon kung saan ipinalalabas ng isang

Homily July 19, 2026

6,491 total views

6,491 total views 16th Sunday in Ordinary Time Wis 12:13. 16-19 Rom 8: 26-27 Mt 13:24-43 Sa pananaw ng mundo pinapakita ng tao na dahil siya’y

Sunday, July 19, 2026 7:00 am

Homily July 12, 2026

14,070 total views

14,070 total views 15th Sunday in Ordinary Time Is 55:10-11 Rom 8:18-23 Mt 13:1-23 Makapangyarihan ang simbahan. Tumagal siya ng higit na dalawang libong taon. Mula

Sunday, July 12, 2026 7:00 am

Homily July 5, 2026

24,675 total views

24,675 total views 14th Sunday in Ordinary Time Cycle A Zec 9:9-10 Rom 8:9.11-13 Mt 11:25-30 “Hindi na kayo namumuhay ayon sa laman kundi ayon sa

Sunday, July 5, 2026 7:00 am

Homily June 28, 2026

32,908 total views

32,908 total views 13th Sunday in Ordinary Time Cycle A St Peter’s Pence Sunday 2 Kgs 4:8-11.14-16 Rom 6:3-4. 8-11 Mt 10:37-42 Madaling sagutin ang tanong:

Sunday, June 28, 2026 7:00 am