10,356 total reads
Tiniyak ng Philippine Coast Guard (PCG) Ecumenical Chaplain Service (PCG-ECS) ang pangangalaga sa pangangailangang espiritwal ng mga bumubuo sa PCG.
Ito ang ibinahagi ng PCG-ECS sa isinagawang Interfaith Cultural Forum bilang paghahanda sa 124th anniversarry sa pagkakatatag ng Philippine Coast Guard.
Ayon kay PCG Chief Of Staff Chaplain Commander Father Emman Avila, ang forum ay para sa mga kristiyano at iba pang denominasyon upang makapagdayalogo at malaman ang pangangailangan ng bawat isang bumubuo sa PCG.
“Ito ang pinakamagandang pwedeng mangyari sa atin ngayon at sa buhay natin, kasi [ay] malalaman natin ang iba’t ibang perspektibo ng bawat denominasyon tungkol sa pananampalataya, tungkol sa moral ng isang pagkatao, tungkol sa purpose ng ating buhay sa ngalan ng pagserbisyo sa mamamayan. Iyan ang magiging topic namin ngayon [na] pag uusapan sa Interfaith forum. This is not just all about pananampalataya, kundi sa pagiging high morale ng isang tao sa kanilang layunin o purpose, sa pagiging totoong tagasunod ng Diyos, and more so sa aming pagiging isang Coast Guard [na] kung papaano magbigay ng tapat na serbisyo sa mamamayan,” ayon sa panayam ng Radyo Veritas kay Fr.Avila.
Inaasahan naman ni PCG Chaplain Captain Fr. Francis Ariel Sualo na magdudulot ang forum ng higit na pagtutulungan nang hanay ng PCG upang magampanan ang kanilang trabaho at at makamit ang mithiin.
Inihayag naman ni Philippine Council of Evangelical Churches Bishop Noel Pantoja na ang Interfaith Cultural Forum ay pinapatibay ang pagkakapatiran sa PCG sa kabila ng ibat-ibang paniniwala o pananampalataya.
“I would like to congratulate the admiral, the rear admiral and all the officers and personnel of the Philippine Coast Guard, especially the Ecumenical Chaplain Service for conducting this event. As a Christian leader, I am so happy about this endeavor. This is like the answer to our prayers and the prayers of the Lord Jesus Christ that “They may be one”… Many years past that there will be disharmony, there will be disunity and there will be conflicts and wars, and this is the answer [that] we need more interfaith dialogues. We need to learn from one another, listen from one another, so that there will be harmonious relationships, not only among religious leaders, but the constituents of different religious sects. And to the Philippine Coast Guard, this is like your mission on helping everyone who are distressed in the seas protecting our shores and the work [that] endeavors for everyone.” bahagi naman ng panayam ng Radyo Veritas kay Bishop Pantoja.
Taong 1901 ng itinatag bilang bahagi ng Philippine Navy ang PCG ngunit 1967 nang opisyal na kilalanin at italaga ng pamahalaan at kongreso bilang hiwalay at independent unit na pinapangalagaan ang kaligtasan at kapakanan ng mga Pilipino, higit na ang mga baybayin at karagatan sa bansa.
