44,267 total views
Malugod na inihayag ng Holy Rosary College of Theology ng Archdiocese of Caceres na opisyal nang pinahintulutan ng Vatican ang institusyon na maggawad ng Bachelor in Theology sa pamamagitan ng Faculty of Theology ng University of Santo Tomas (UST).
Ang pahintulot ay bahagi ng re-affiliation ng kolehiyo sa UST, na pormal na kinilala ng dalawang kalatas mula sa Vatican.
Ayon sa seminaryo, ang bagong ugnayan ay nagbibigay-daan upang makapag-alok ang College of Theology ng Baccalaureate in Theology simula ngayong academic year.
“The Vatican has granted the Holy Rosary College of Theology the authority to confer the ecclesiastical degree of Bachelor in Theology through the UST Faculty of Theology—marking a major milestone for the Archdiocese’s formation program,” pahayag ng institusyon.
Ang affiliation ay ipinagkaloob ad quinquennium experimenti, o sa loob ng limang taong pagsusuri, at mananatiling epektibo hanggang 2030.
Itinuturing ito ng seminaryo bilang mahalagang hakbang para sa lokal na Simbahan sa paghuhubog ng mga magiging pari.
“The establishment of the Holy Rosary College of Theology as an independent institute academically affiliated with UST signals a significant advancement in strengthening theological education in the region,” dagdag pa nila.
Personal na tinanggap ni Fr. Joey Gonzaga, SThD, Rector ng Holy Rosary Major Seminary, ang mga dokumentong nagtatakda ng re-affiliation mula kay Fr. Jannel Abogado, O.P., Dean ng UST Faculty of Theology.
Samantala, si Fr. Gonzaga ay kabilang din sa mga lumahok sa Quality Assurance Seminar for Asia and Oceania na inorganisa ng Agency for the Evaluation and Promotion of Quality in Ecclesiastical Universities and Faculties (AVEPRO) at ginanap sa University of Santo Tomas.
