430 total views
Iginiit ni Pope Leo XIV na hindi lamang tungkulin ng mga pari at relihiyoso ang pagpapalaganap ng Ebanghelyo kundi ng bawat binyagang mananampalataya.
Sa kanyang pagninilay sa Angelus, sinabi ng Santo Papa na kaakibat ng pagtanggap sa sakramento ng binyag ang pakikibahagi sa misyon ni Hesus sa sanlibutan.
“Every baptized person is an active agent of evangelization, called to bear consistent witness to Christ,” ayon kay Pope Leo XIV.
Ayon sa Santo Papa, ang misyong ito ay nagmumula sa biyaya ng Binyag kung saan ang bawat Kristiyano ay nagiging kabahagi sa pagiging pari, propeta at hari ni Kristo.
Paliwanag ng pastol na sa pamamagitan ng Binyag ay itinalaga ng Panginoon ang bawat tao sa mahalagang misyon kaya’t inaanyayahan ang mga mananampalataya na ipahayag ang kanilang pananampalataya sa pang-araw-araw na pamumuhay.
Dagdag pa ng Santo Papa, pinagtitibay ng sakramento ng Kumpil ang ganitong pananagutan ng mananampalataya dahil sa pananahan ng Espiritu Santo.
“The Holy Spirit endows them with special strength… to spread and defend the faith, both by word and by deed,” ani ng santo papa.
Binigyang-diin din ni Pope Leo ang mahalagang papel ng buong Sambayanan ng Diyos sa pangangalaga ng katotohanan ng pananampalataya.
“The entire body of the faithful… cannot err in matters of belief… when from the bishops down to the last of the lay faithful they show universal agreement in matters of faith and morals,” giit ng pastol.
Kaugnay nito, ipinaliwanag niya ang tinatawag na sensus fidei o pakiramdam ng pananampalataya ng buong Simbahan na aniya’y mahalintulad sa pagpahintulot ng buong Simbahan, at pagkilala sa pagitan ngkatotohanan at hindi wastong usapin ng pananampalataya.
Ibinahagi rin ni Pope Leo XIV na patuloy na kumikilos ang Espiritu Santo sa bawat mananampalataya sa pamamagitan ng iba’t ibang kaloob upang mapalago ang Simbahan.
“The Holy Spirit… distributes special graces among the faithful of every rank… for the renewal and building up of the Church,” ayon sa Santo Papa.
Muling pinaalalahanan ni Pope Leo XIV ang mga mananampalataya na ang bawat binyagan ay may pananagutan sa misyon ng Simbahan, ang magbigay patotoo kay Kristo sa salita at sa gawa.
