411 total views
Umaapela ang Caritas Manila sa puso ng bawat Pilipino na palaganapin ang pagtulong sa kapwa higit na ngayong nararanasan ang krisis sa ekonomiya.
Ito ay sa pamamagitan ng pagbabahagi ng donasyon sa Social Arm ng Archdiocese of Manila upang maging daluyan ng pagmamahal at habag ng Panginoon sa kapwa.
Ayon sa Caritas Manila – Caritas Damayan program, nais nilang makapagpamahagi ng tig-dalawang libong pisong gift certificate sa mga benepisarsyong pamilya upang maibsan ang pasakit at matulungan silang makabili ng mga pangunahing pangangailangan.
“𝐒𝐚 𝐡𝐚𝐫𝐚𝐩 𝐧𝐠 𝐡𝐢𝐫𝐚𝐩…𝐡𝐚𝐛𝐚𝐠. Sa gitna ng krisis na dulot ng digmaan sa Gitnang Silangan, nais ng Caritas Manila na tulungan ang mga Pilipinong nasa laylayan. Dahil sa patuloy na pagtaas ng presyo ng mga bilihin, magpapaabot ang Caritas Damayan ng tulong na nagkakahalaga ng P2,000 na gift certificate para sa bawat pamilyang higit na nangangailangan. Ito ay magiging posible sa inyong tulong at kabutihang loob.” ayon sa mensahe ng Caritas Manila.
Maari namang bumisita sa official facebook page ng Caritas Manila sa @CaritasManila o tumawag sa mga numero bilang 8-5-6-2-0-0-2-0 to 25 upang malaman ang ibat-ibang paraan ng pagpapadala ng tulong.
