246 total views
Naglabas ng pastoral letter si Lingayen-Dagupan Archbishop Socrates Villegas para sa pagdiriwang ng Ascension Sunday ngayong Mayo 17, 2026 na may titulong “Sad and Angry But Brave and Hopeful,” na itinakdang basahin bilang homiliya sa lahat ng misa sa Arkidiyosesis ng Lingayen-Dagupan sa nasabing araw.
Sa kanyang liham pastoral, nagpahayag si Archbishop Villegas ng matinding pagkadismaya at pagkabahala sa lumalalang korapsyon, pagkawala ng moralidad sa pamahalaan, at paggamit ng kapangyarihang pampulitika para sa pansariling interes.
“We mourn the worsening problem of corruption of people’s money. We keep hoping to get out of the quicksand of corruption, but we just keep getting deeper into the pit,” Bahagi ng mensahe ni Archbishop Villegas.
Tinukoy rin ni Archbishop Villegas ang tinagurian nitong “shameless exercise of political power” kasunod ng mga naganap na kaguluhan at tensyon sa Senado kaugnay ng impeachment proceedings laban kay Vice President Sara Duterte.
“It is confusing. It is unbelievable. It is pathetic. It is disgusting. It is shameless. How did we reach this low level of public service?” Dagdag pa ni Archbishop Villegas.
Kasabay nito, hinamon naman ni Archbishop Villegas ang mamamayan na kilalanin ang kanilang pananagutan sa pagpili ng mga pinunong inihahalal sa pamahalaan.
“Our hands are bloodstained because our hands voted for such corrupt criminals into office. We are not innocent,” Ayon pa kay Archbishop Villegas.
Hinimok din ng Arsobispo ang mga mananampalataya na gamitin ang kanilang mga “kamay” sa panalangin, protesta, at pagsusulong ng legal na paraan upang maisulong ang pagbabago sa lipunan.
“Use your hands to PROTEST. In today’s rampant deceit and abuse of power, neutrality has become a mask for cowardice,” Panawagan ni Archbishop Villegas.
Binigyang-diin din ng Arsobispo ang kahalagahan ng pagiging mapanuri ng mga botante at ang paggamit ng karapatang bumoto upang papanagutin ang mga tiwaling opisyal ng pamahalaan.
“Reject the corrupt in the next elections. Review and evaluate their records of public service. Your vote is your power,” Paalala ng Arsobispo.
Samantala muli ring nanawagan si Archbishop Villegas ng pagkakaisa at paninindigan ng sambayanang Pilipino para sa katotohanan at kabutihang panlahat.
Giit ng Arsobispo, hindi dapat manaig at maging hadlang ang pagkakaiba ng papanaw o posisyong pampulitika ng bawat isa sa pagiging isang mabuti at responsableng kasapi ng lipunan na naninindigan para sa kabutihan at tunay na pag-unlad ng sambayanan.
“Walang DDS or pinklawan. Walang Ilocano o Bisaya. Lahat tayo para lamang sa Diyos at sa bayan,” Ayon kay Archbishop Villegas.
