4,946 total views
Hinimok ng Archdiocese of Manila ang mga Pastol ng Simbahan at Mananampalataya na aralin at isapuso ang kauna-unang ensiklikal ni Pope Leo XIV na Magnifica Humanitas.
Sa pamamagitan ito ng RCAM Circular No. 2026–53 upang higit na malamang ang mga nakapaloob at mahahalagang impormasyon hinggil sa ensiklikal ng Santo Papa.
Ayon kay RCAM Chancellor Father Carmelo Arada Jr alinsunod sa mensahe ni Vatican Dicastery for Promoting Integral Human Development Cardinal Michael Czerny, ang bagong ensiklikal ay maaring magabayan ang bawat isa tungo sa pag-unawa sa makabagong panahon at patuloy na pag-usbong ng teknolohiya.
“Magnifica Humanitas will help us understand how to navigate the ongoing digital transition, drawing from the Church’s treasury of wisdom the tools necessary to interpret the present moment, with a view to fulfilling ournshared task of safeguarding and nurturing the magnificent humanity that has been given to us as a gift,” ayon sa mensahe ng Circular.
Gayundin ang pagunawa tungo sa higit na pagpapahalaga sa dignidad ng tao, buhay at mga manggagawa na maaring maapektuhan ng teknolohiya.
Ito ay dahil narin una ng pinarating ng mga Labor Groups o bawat isang bumubuo sa Labor Sector ang pangamba sa pagkawala ng trabaho o kabuhayan ng maraming manggagawa dahil sa hindi responsableng paggamit sa Artificial Intelligence o AI.
Sa huli, paalala ni Fr.Arada sa Circular ang pagpapakalat ng impormasyon at paanyaya na basahin at isapuso ang ensiklikal sa pamamagitan ng ibat-ibang pamamaraan hanggang sa mga parochial levels.
Pangunahing laman ng Magnifica Humanitas ang mensahe ni Pope Leo XIV hinggil sa wastong paggamit ng AI na isusulong ang dignidad ng tao at pagpapalaganap sa pananampalatayo gamit ito.
