2,278 total reads
Umapela si Caritas Manila Executive Director Father Anton CT Pascual sa mga mambabatas, higit na ang mga nasa Senado na isulong ang pamamayani ng maayos na moralidad, integridad at katapat sa paglilingkod sa bayan.
Ginawa ni Fr. Pascual ang hamon sa patuloy na tensyon sa Senado kung saan nakikita ng mga Pilipino ang pagkakahati-hati ng mga mambabatas at inuuna ang political interest sa halip na paglilingkod sa mga Pilipino.
Ayon sa Pari, mahalaga higit na ngayon na unahin ng kahit sinong lider sa pamahalaan ang pagpapabuti sa kalagayan ng mga Pilipino, higit na nahaharap ang Pilipinas at buong mundo sa mga krisis na inilalagay sa kahirapan ang buhay ng marami.
Hinimok ni Father Anton ang mga mambabatas na isantabi ang mga pansariling interes upang mamayani ang hangarin sa pagpapaunlad sa buhay ng nakakarami.
Nanawagan din si Father Pascual ng pagkakaisa higit na sa mga lider dahil katulad ng mensahe noon ni Pope Francis, ang paglilingkod sa bayan ay ang pinakamataas na uri ng paglilingkod para sa panginoon.
