18,790 total reads
Nagbabala ang University of Santo Tomas-Legazpi (UST-Legazpi) sa kanilang komunidad at sa publiko kaugnay ng isang hindi awtorisadong indibidwal na gumagamit sa pangalan at titulo ni Rev. Fr. Edwin A. Lao, O.P., Rector at President ng unibersidad, upang magpadala ng mga email sa mga kawani, alumni, at iba pang stakeholders.
Ayon sa pamunuan ng UST-Legazpi, walang kaugnayan ang naturang mga email sa Office of the Rector and President at hindi rin ito nagmula o awtorisado ng unibersidad.
Dahil dito, hinikayat ng UST-Legazpi ang lahat ng nakatatanggap ng naturang mensahe na huwag itong pansinin o sagutin, at tiyaking ang lahat ng opisyal na komunikasyon ng pamantasan ay nagmumula lamang sa mga opisyal na email account ng unibersidad.
“It has come to our attention that an unauthorized individual is using the name and title of our Rector and President, Rev. Fr. Edwin A. Lao, O.P., to send emails to personnel, alumni, and external stakeholders. Please be advised that these emails did not originate from the Office of the Rector and President, nor are they affiliated with the University of Santo Tomas-Legazpi in any capacity. Kindly disregard such messages, as all official university communications are strictly conducted through our official email accounts.” Bahagi ng pahayag ng UST-Legazpi.
Paalala ng Simbahang Katolika na ang katotohanan at katapatan ay mahalagang pagpapahalaga sa lahat ng uri ng komunikasyon.
Hinihikayat din ang publiko na maging mapanuri sa mga natatanggap na mensahe at iwasan ang pagpapakalat o pagtugon sa mga impormasyon mula sa hindi beripikadong pinagmumulan upang maprotektahan ang sarili at ang kapwa laban sa panlilinlang.
