Nararapat lamang na muling pag-aralan ng Parish Pastoral Council for Responsible Voting (PPCRV) ang Voters’ Education para sa nakatakdang halalang pambarangay upang maiangkop ito sa mga pananaw ng mga kabataan sa kasalukuyan.
Ayon kay dating PPCRV Chairperson Henrietta De Villa, napapanahon lamang ang isinagawang pagpupulong ng mga regional coordinators ng PPCRV upang talakayin at muling isaayos o iakma ang voters’ education nito sa mga kabataan.
“Si Rene ang bagong Chair ng PPCRV, tumawag ng isang seminar para lang sa mga regional coordinators para bisitahin rin yung ating voters education, bakit ba parang hindi nagko-connect kailangan tingnan natin din yung pag-iisip ng mga kabataan ngayon at kung papaano ia-allign yung ating pagtuturo sa kanilang inclination kailangan yun ang ma-Christianize…” ang bahagi ng pahayag ni De Villa sa panayam sa Radio Veritas.
Sa tala ng National Youth Commission, 40-porsyento mula sa higit 57-milyong rehistradong botante sa kasalukuyan ay mga kabataan edad 18 hanggang 30 taong gulang.
Sa naganap na Encounter with the Youth ni Pope Francis sa UST, noong ika-18 ng Enero taong 2015, hinamon nito ang mga kabataan na mag-isip, makiramdam at kumilos upang makapagbahagi sa kapwa, lalu na sa mga nangangailangan at maging sa kapakanan ng buong bayan.
Base sa 2010 Annual Poverty Indicators Survey ng National Statistics Office, tinatayang 1 sa kada 8 kabataan sa Pilipinas o 16-porsyento ng kabuuang 39-milyon ay hindi nakakapasok sa paaralan na kalaunan ay naliligaw ng landas, napapasok sa prostitusyon at nasasangkot sa iligal na droga.
Hindi isinara ng Malacañang ang posibilidad na magkaroon ng pagbabago sa Pax Silica Project, kasunod ng panawagang ipahinto ito dahil sa pangamba sa suplay ng tubig, kuryente, at kakulangan umano ng konsultasyon sa mga lokal na komunidad.
Sa ginanap na press briefing sa Palasyo, sinabi ni Palace Press Officer Undersecretary Claire Castro, pinag-aaralan pa ng pamahalaan ang lahat ng isyung may kaugnayan sa proyekto.
“Actually, kaya nga po ito ay inihahainan ng ating pamahalaan patungkol sa Bak silica, dahil kung sino man po yung ibang mayroong issue, tungkol sa di umano magiging problema sa supply ng tubig, sa supply ng kuryente, lahat pong ito ay isinasaalang-alang ng pamahalaan,” ayon kay Castro.
Ipinaliwanag ni Castro na isinasaalang-alang ng gobyerno ang mga usapin sa suplay ng tubig at kuryente, kaya hindi pa pinal ang pagpapatupad ng proyekto.
Dagdag pa ng opisyal ng Malacañan, “May chance po na mabago ang iba mga provisions. Kung ano po yung maaaring mas maging magandang idulot sa ating mga kababayan, sa Pansang Pilipinas, and of course, sa mga partners, yun naman po ay isasaalang-alang.”
Una na ring binanggit ni Pangulong Ferdinand Marcos Jr. Sa kaniyang State of the Nation Address ang Pax Silica bilang bahagi ng Luzon Economic Corridor.
Ayon sa Pangulo, layunin ng Pax Silica na makahikayat ng mga mamumuhunan, makalikha ng de-kalidad na trabaho, at suportahan ang pag-unlad ng industriya ng artificial intelligence (AI) sa Pilipinas.
Ang Pax Silica ay isang pandaigdigang inisyatiba na sinasabing para sa seguridad ng ekonomiya na pinangungunahan ng Estados Unidos. Inilunsad ito noong Disyembre 2025 upang tiyakin ang matatag na suplay ng mga teknolohiyang mahalaga sa artificial intelligence (AI), semiconductors o microchips, at critical minerals na kailangan sa paggawa ng makabagong teknolohiya.
Noong Abril 2026, sumali ang Pilipinas sa koalisyon at nangakong maglaan ng 1,600 ektaryang lugar sa New Clark City bilang isang AI-native industrial acceleration zone o sentrong nakatuon sa pagpapabilis ng pag-unlad ng mga industriya at pamumuhunang may kaugnayan sa AI at iba pang makabagong teknolohiya.
Jerry Maya Figarola
Thursday, July 30, 2026 2:22 pm
5,640 total views
Nanindigan ang Ecumenical Institute for Labor Education and Research (EILER) na bigong tugunan ni Pangulong Ferdinand Marcos Jr. ang matinding suliranin ng Pilipinas lalu na ang kalagayan ng mga manggagawa.
Ayon sa EILER, bingi ang pangulong Marcos sa panawagan ng mga manggagawa na nakakabuhay na sahod, pagwakas ng kontraktwalisasyon at karapatang magtayo ng union.
Sinabi ng EILER na kahit tumaas na sa 780-pesos ang arawang minimum wage ay kulang ito sa 1,301-pisong daily family living wage sa isang pamilyang may limang miyembro.
Iginiit ng grupo na hindi sapat ang panukalang tax relief na binanggit ng Pangulo sa SONA upang tugunan ang lumalalang kahirapan at mataas na presyo ng mga pangunahing bilihin.
Binigyang-diin din ng labor group na walang malinaw na programa ang administrasyon upang wakasan ang kontraktwalisasyon at tiyakin ang regular na trabaho at sapat na panlipunang proteksyon.
“Ang tunay na hamon sa administrasyong Marcos, Jr. ay ang pagpapatupad ng panawagan ng mga manggagawang Pilipino para sa isang pambansang industriyang makakapaglikha ng maraming regular, ligtas, at disenteng trabaho na may nakabubuhay na sahod, sapat na panlipunang proteksyon, at ganap na paggalang sa karapatan ng mga manggagawa. Hindi sapat ang mga pangako tungkol sa ‘quality jobs’ kung walang kongkretong hakbang upang itaas ang sahod, wakasan ang kontraktwalisasyon, at igalang ang kalayaan ng mga manggagawa na mag-organisa at makipagtawaran nang sama-sama,” ayon sa mensaheng pinadala ng EILER sa Radyo Veritas.
Inihayag din ng EILER ang pagkabahala sa patuloy na paglabag sa karapatang mag-organisa at mag-unyon, kabilang ang mga pag-aresto sa mga lumahok sa mga kilos-protesta at ang pagpapatuloy ng mga polisiyang nagdudulot ng pananakot at panunupil sa mga manggagawa.
Nanawagan naman ang EILER sa pamahalaan na isulong ang pambansang industriyalisasyon at tunay na repormang agraryo upang makalikha ng mas maraming regular at disenteng trabaho na may nakabubuhay na sahod.
Nilinaw ng grupo na ang pag-unlad ng ekonomiya ay dapat nakasentro sa dignidad ng paggawa at kapakanan ng mga manggagawa, alinsunod sa panlipunang katuruan ng Simbahan na nagbibigay-diin sa karapatan ng bawat tao sa makatarungan at marangal na hanapbuhay.
Reyn Letran - Ibañez
Thursday, July 30, 2026 2:19 pm
5,955 total views
Nagpahayag ng suporta si Baguio City Mayor Benjamin Magalong sa pagsusulong ng House Bill No. 9603 o ang proposed Smoke-Free and Vape-Free Environment Act na naglalayong magtatag ng isang total vape-free environment sa bansa upang maprotektahan ang kalusugan ng publiko, lalo na ng mga kabataan.
Sa panayam sa programang Barangay Simbayanan, ibinahagi ni Magalong na siya ring convenor ng Mayors for Good Governance (M4GG) na malaking pagbabago ang naidulot ng mahigpit na pagpapatupad ng smoke-free ordinance sa Baguio City.
Ayon sa alkalde, bumaba ang bilang ng mga kaso ng sakit sa baga at mas napapansin ng mga residente at turista ang malinis na hangin sa lungsod.
“Ang laking bagay ng pagpapahigpit namin, lalo-lalo na sa smoking. Dahil bumaba ang cases namin ng mga lung diseases dito sa lungsod ng Baguio. Ina-appreciate ito ng ating mga residente at maging ng mga turista dahil napakalinis ng hangin dito,” Bahagi ng pahayag ni Magalong.
Ipinaliwanag din ng alkalde na ipinatutupad sa Baguio ang smoke-free ordinance mula pa noong 2017 at lalo pa itong pinalakas nang maupo siya bilang alkalde noong 2019.
Pagbabahagi ni Magalong, pinahihintulutan lamang ang paninigarilyo sa loob na lamang ng sariling tahanan dahil mahigpit na ipinagbabawal ang paninigarilyo at pagva-vape sa mga pampublikong lugar, kung saan nagbabala rin ang alkalde sa lumalalang paggamit ng vape ng mga menor de edad.
“Mayroon kaming mga nahuhuling mga 12 years old na nagva-vape. Kung minsan dinadala pa nila ang kanilang mga devices hanggang sa loob ng classroom,” Dagdag pa ni Magalong.
Ayon sa alkalde, malaking hamon ang pagpigil sa pagbebenta ng vape dahil karamihan ay nabibili na sa online platforms at gumagamit ng mga device na nakadisenyong magmukhang ordinaryong gamit tulad ng pabango, flash drive, o tetra pack.
Kaugnay nito, sinabi ni Magalong na mahalaga ang pagkakaroon ng cessation support, counselling, at behavioral change programs para sa mga gumagamit ng vape, kabilang ang aktibong pakikilahok ng mga magulang, paaralan, at mga health workers.
Pinuri rin ng alkalde ang inisyatiba sa pagsusulong ng House Bill No. 9603 at tiniyak ang buong suporta ng Baguio City sa panukala.
“Full support kami sa total vape-free environment. Dapat talagang mas matindi pa ang mga regulasyon pagdating sa smoking,” Ani Magalong.
Dagdag pa ng alkalde, hihikayatin din niya ang mga kasapi ng Mayors for Good Governance na suportahan ang panukalang batas upang higit pang mapalawak ang pagpapatupad ng smoke-free policies sa iba’t ibang lokal na pamahalaan.
“Isipin natin na ito ay para sa kalusugan at kinabukasan ng ating mga kabataan at para maging maayos ang air quality sa ating kapaligiran.” Ayon pa kay Magalong.
Pinaalalahanan naman ni Mayor Magalong ang mga gumagamit ng vape na itigil na ang bisyo habang maaga upang maiwasang ang masamang epekto nito sa kalusugan.
“It takes a lot of will and determination para ihinto mo ang paninigarilyo. Mas nakakatakot pa sa vape dahil mas matindi pala ang health implications nito.” Apela ni Magalong.
Paalala ng Simbahang Katolika na ang pangangalaga sa buhay at kalusugan ay pananagutang moral ng bawat tao, kung saan nasasaad din sa Catholic Social Teaching na mahalagang pangalagaan ang kabutihang panlahat sa pamamagitan ng pagsusulong ng mga patakarang nagpoprotekta sa buhay, lalo na ng mga kabataan, at ng sama-samang pagkilos ng pamilya, pamahalaan, at komunidad upang maiwasan ang mga bisyong sumisira sa dignidad at kinabukasan ng tao.
61,648 total views Mga Kapanalig, sinong ayaw manalo ng pinakabago at pinakasikat na smartphone? Ganito inakit ng isang sikat na social media influencer ang mahigit 50
100,950 total views Mga Kapanalig, hindi man natin namamalayan, nagiging parte naang artificial intelligence (o AI) ng ating pang-araw-araw na buhay. Pero anong uri ng kinabukasan
136,267 total views Mga Kapanalig, sa pagtatapos ng pagdinig ng impeachment court sa Article 4 na may kaugnayan sa pagbabanta umano ni Vice President Sara Duterte
251,609 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa
276,725 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS
5,956 total views Nagpahayag ng suporta si Baguio City Mayor Benjamin Magalong sa pagsusulong ng House Bill No. 9603 o ang proposed Smoke-Free and Vape-Free Environment
3,055 total views Hinikayat ni Presidential Adviser on Peace, Reconciliation, and Unity Secretary Mel Sarmiento ang publiko na makiisa bilang mga volunteer ng Parish Pastoral Council
20,281 total views Iginiit ng IBON Foundation na kinakailangang maglatag ang pamahalaan ng pangmatagalang mga programa upang matugunan ang mga pangunahing suliranin sa ekonomiya, kabilang ang
7,197 total views Nanawagan ang Philippine Alliance of Human Rights Advocates (PAHRA) sa administrasyon ni Pangulong Ferdinand Marcos Jr. at sa Kongreso na agarang isulong ang
