689 total views
Pinaalalahanan ng Kanyang Kabanalan Francisco ang mananampalataya na ang krus ni Hesus ang nanatiling sagisag ng tagumpay.
Ito ang mensahe ng Santo Papa sa pagsisimula ng paschal triduum ng simbahang katolika. Ayon kay Pope Francis, sa kabila ng naranasang pandemya na nagdulot ng labis na kahirapan sa buong daigdig ay mahalagang ituon ng bawat isa sa kahalagahan ng krus ni Hesus sa kanyang Muling Pagkabuhay.
“In many situations of suffering, especially when they are borne by people, families and populations already tried by poverty, disasters or conflicts, Christ’s Cross is like a beacon that indicates the port to ships that are still afloat on stormy seas,” bahagi ng mensahe ni Pope Francis.
Ito rin ang pagninilay ng punong pastol ng simbahan lalo’t nanatiling banta sa buong mundo ang coronavirus pandemic, karahasan at iba pang suliranin.
Iginiit ng Santo Papa na hindi pinababayaan ng Diyos ang tao subalit sinasamahan ito sa paglalakbay partikular sa mga hamong kinakaharap ng sanlibutan.
“Christ’s Cross is a sign of the hope that does not disappoint; and it tells us that not even one tear, not one sigh is lost in God’s plan,” ani Pope Francis. Ang Paschal Triduum ay ang pagtawid ni Hesus mula sa pagpapakasakit, pagkamatay hanggang sa matagumpay na muling pagkabuhay ni Hesus.
