522 total views
Kinilala ng commuters group ang pagtatalaga ni President-elect Ferdinand Marcos Jr kay Jaime Bautista bilang susunod na kalihim ng Department of Transportation (DOTr) at Cesar Chavez bilang Undersecretary.
Ayon kay Ira Cruz – Executive Director Move as One Coalition (MAOC), inaasahan ng grupo ang tunay na pakikiisa ng mga bagong opisyal sa mga manggagawa at commuters sa transportation sector.
Ito ay sa pamamagitan ng pagpapatayo at pagpapabuti ng kalagayan ng mga kalsada na parehong tutulungan ang mga pribado at pampublikong sektor.
“In discharging their function, we hope that they shows genuine empathy and urgency to respond to the basic needs of Filipino commuters; Focusing on basic mobility needs: from active to mass public transportation, instead of infrastructure projects intended to benefit only private vehicles – especially at this time of public transport supply shortages and increasing oil prices,” ayon sa mensaheng ipinadala ni Cruz sa Radio Veritas.
Hangarin ni Cruz na gamitin ng susunod na kalihim ng DOTr ang kaniyang naunang kasanayan upang laging bigyang prayoridad ng pamahalaan ang kapakanan ng mga commuters sa bansa.
Ito ay dahil nagsilbi bilang opisyal ng Philippine Airlines sa loob ng 25-taon kung saan noong 2004 hanggang 2019 ay naging Pangulo si Bautista ng kompanya.
“Mr. Bautista mentioned in an interview that he doesn’t “know much of problems in land transportation” We would like to take this as a sign of his willingness for an earnest understanding of the fundamental issues and we wish to have the opportunity to meet with him to offer our expertise,” ayon pa kay Cruz.
Una ng naging panawagan ng Catholic Bishops’ conference of the Philippines ang paggawa ng mga batas at pagpapatupad ng mga polisyang tutulungan ang manggagawang mula sa ibat-ibang sektor ng lubha ng naapektukhan ng pandemya ang kabuhayan.