148 total views
Umaasa si Parish Pastoral Council for Responsible Voting Chairperson Henrietta De Villa na patuloy na isusulong ng bagong PPCRV chairman ang layunin maging pangunahing tagapagbantay ng Simbahang Katolika sa pagkakaroon ng isang maayos at tapat na eleksyon sa Pilipinas.
Inaasahang sa susunod na buwan ay opisyal ng magreretiro sa posisyon si De Villa kasabay na rin ng ika-25 taong anibersaryo ng PPCRV.
“Based on experience must know how to have a very big heart open to Christ and open to all the causes that has been given to a servant leader of PPCRV should open to, saka a person who is hopeful kasi you must keep response, kailangan talaga. Ang akin lang sinasabi palagi must not forget that it is not just electoral exercise it is also a means of following Christ in our care of the elections, yun ang main diyan,” pahayag ni De Villa sa panayam sa Radio Veritas.
Ipinaliwanag ni De Villa na ang bagong chairperson ay ino-nominate ng Diocesan Coordinators kung bubuo ng isang short-list na may 30 hanggang 35 nominado at pipiliin ang Top 10.
Mula sa 10 nominado, pipili ang Catholic Bishops Conference of the Philippines kasabay ng kanilang Plenary Assembly ng shortlist na siyang pagbobotohan ng mga Coordinators at Board of Trustees ng PPCRV sa kanilang general assembly na inaasahan namang isasapubliko sa buwan ng Agosto.
Samantala, mula ng maitatag noong 1991 bilang isang independent, non-profit at non-partisan organization matapos na manawagan ang mga Obispo sa isinagawang Second Plenary Council of the Philippines sa pagpapatupad ng reporma sa halalan sa bansa, tinatayang umabot na sa 29-eleksyon ang nilahukan at binantayan ng PPCRV kung saan sa kasalukuyan ay mayroon ng higit sa 700-libo ang volunteers nito mula sa iba’t ibang diyosesis sa buong bansa.
