508 total views
Hiniling ni Manila Archbishop-elect Cardinal Jose Advincula sa mananampalataya ng Arkidiyosesis ng Manila ang suporta sa pamamahala nito.
Ayon kay Cardinal Advincula, mahalaga ang pagtutulungan sa pamamahala ng arkidiyosesis sapagkat malaking hamon ang kaakibat sa pamamahala sa highly urbanized area tulad ng Manila.
“For me who was never been assigned in a highly urbanized area, this task is very challenging and quite overwhelming, so I need all the support of the clergy, the persons in consecrated life and the lay people of the archdiocese [Manila],” pahayag ni Cardinal Advincula sa panayam ng Radio Veritas.
Hiniling din ng bagong talagang arsobispo sa mananampalataya ang patuloy na panalangin at pasasalamat sa Panginoon sa pamamagitan ng Kanyang Kabanalan Francisco sa pagkakataong makapaglingkod sa Arkidiyosesis ng Maynila.
Marso 25 nang hirangin ng Santo Papa si Cardinal Advincula bilang ika – 33 arsobispo ng Maynila kahalili ni Cardinal Luis Antonio Tagle na itinalagang Prefect ng Congregation for the Evangelization of Peoples sa Vatican noong 2019.
Sinabi ng Cardinal na higit ipinagdasal nito ang mananampalataya ng arkidiysosis mula nang tanggapin ang bagong misyon.
“Since the day I accepted the nomination, I have started to pray especially for the people of the archdiocese [Manila]; so may I ask the people also to pray for me that I will be a good shepherd after the heart of Jesus,” ani Cardinal Advincula.
Tiniyak din ng Cardinal ang patuloy na panalangin para sa mananampalataya ng Arkidiyosesis ng Capiz kasabay ng kahilingang ipagdasal ang kanyang bagong misyon.
Sa pagkakatalaga ni Cardinal Advincula sa Arkidiyosesis ng Maynila, lima ang nanatiling sede vacante ang Diyosesis ng Alaminos, Malaybalay, Arkidiyosesis ng Capiz, mga Apostolic Vicariate ng San Jose sa Mindoro at Taytay sa Palawan.
