24,295 total views
Malugod na tinanggap ng Simbahang Katolika sa Pilipinas ang tigil-putukan sa pagitan ng Iran at Israel, na inisyatiba ng Estados Unidos.
Ayon kay Antipolo Bishop Ruperto Cruz Santos, ito ay mahalagang hakbang tungo sa pagkamit ng kapayapaang matagal nang inaasam sa Gitnang Silangan.
“Any pause in violence offers a chance to prevent further loss of life and rebuild diplomatic channels,” ayon kay Bishop Santos. Naniniwala ang obispo na ang ganitong hakbang ay hindi lamang panandaliang katahimikan, kundi maaaring maging simula ng mas malalim na diyalogo at pagkakaunawaan.
Sa kabila nito, sinabi ng Obispo na ang tagumpay ng ceasefire ay nakasalalay sa tunay na hangarin ng mga sangkot na makamit ang pangmatagalang solusyon sa mga ugat ng alitan.
“Such a ceasefire’s effectiveness often depends on the sincerity of commitments and the broader political will to resolve long-standing issues,” dagdag niya.
Mula sa pananaw ng Catholic Social Teaching, iginiit ni Bishop Santos na ang kapayapaan ay hindi lamang ang kawalan ng digmaan kundi ang presensya ng katarungan, paggalang, at pakikipag-ugnayan.
“Peace is not simply the absence of war — it’s the presence of justice, mutual respect, and dialogue,” ayon pa kay Bishop Santos.
“If this ceasefire aims to promote understanding, protect human dignity, and seek reconciliation rather than simply serve geopolitical interests, then it aligns more closely with the Church’s call for peace.”
Muli ay hinikayat ng Obispo ang pananalangin para sa mga lider ng bansa, lalo na ang mga kasangkot sa kaguluhan, na magkaroon ng tapang at kababaang-loob upang piliin ang pakikipag-usap kaysa sa karahasan.
“We lift up to you the leaders of nations, especially those involved in conflict,” wika niya sa panalangin.
“Grant them the courage to choose dialogue over division, mercy over might, and to see in their enemies not adversaries, but fellow children of God.”
Umaasa si Bishop Santos na ang ceasefire ay maging simula ng tunay na pagbabago at kapayapaan.
“May this ceasefire be a first step toward true and lasting peace. Protect the innocent, heal the wounded, and comfort the grieving,” panalangin ni Bishop Santos, na siya ring parish priest ng International Shrine of Our Lady of Peace and Good Voyage.
