5,971 total reads
Nagbabala ang Diocese of Antipolo sa publiko laban sa kumakalat na email scam na gumagamit ng pangalan ni Bishop Ruperto Santos.
Sa advisory ng diyosesis, ibinahagi nito ang kumakalat na email gamit ang pangalan ng obispo.
“The public is urged to exercise caution regarding a fraudulent email scheme currently circulating that uses Bishop Ruperto Cruz Santos,” ayon sa pahayag ng diyosesis.
Sinabi ng diyosesis na lalo’t nagmumukhang lehitimo ang email dahil sa paggamit ng mga pangalan at gawain ng obispo tulad ng pastoral visits at canonical visitations.
“Scammers are using the name and position of the bishop to send deceptive messages to individuals, including religious leaders and laypeople,” anila.
Pinag-iingat din ang publiko sa mga email mula sa hindi awtorisadong address gaya ng “[[email protected]] at iginiit na “official correspondence from the local Church typically comes from verified diocesan or institutional domains.”
Paalala ng Simbahan na maging maingat sa pakikipag-ugnayan sa online at agad iulat sa Chancery Office o sa parokya ang anumang kahina-hinalang mensahe.
“Verify Before You Comply… do not reply or click any links,” dagdag pa ng diyosesis.
Samantala, tiniyak ng chancery office ng Antipolo ang mahigpit na pagmomonitor hinggil sa usapin upang mapigilan ang patuloy na panlilinlang.
Paalala ng mga opisyal ng simbahan na manatiling alerto lalo na sa mga natatanggap na solicitation letter o anumang kahina-hinalang mensahe online gamit ang pangalan ng mga lider o institusyon ng simbahan upang makaiwas sa scam.
