Mining at all costs policy ni PBBM, pinuna ng ATM

 3,573 total views

Patuloy pa ring isinasantabi ng pamahalaan ang kapakanan at kaligtasan ng mga mahihirap na pamayanan upang pagtuunan ang pagpapalakas sa mapaminsalang industriya ng pagmimina.

Ito ang pahayag ni Alyansa Tigil Mina Chairperson Rene Pamplona kaugnay sa ikatlong State of the Nation Address ni Pangulong Ferdinand “Bongbong” Marcos, Jr.

Ayon kay Pamplona, dalawang taon makalipas umupo bilang punong ehekutibo ng Pilipinas, lalo pang isinusulong ni Pangulong Marcos ang pagbuhay sa sektor ng pagmimina sa bansa.

“Mining at all costs. Big business over marginalized communities. This is how the members of Alyansa Tigil Mina (ATM) sum up the two-year old administration of President Bongbong Marcos, Jr. concerning the mining industry,” ayon kay Pamplona.

Patuloy naman ang panawagan ng mga apektadong lugar tulad ng pagbabarikada ng mamamayan ng Brgy. Didipio sa Kasibu, Nueva Vizcaya, Sibuyan Island sa Romblon, Brooke’s Point sa Palawan, at Homonhon Island sa Eastern Samar, upang bawiin ang mining permits at tuluyang ihinto ang ilegal na operasyon ng pagmimina.

Sa kabila nito, isinasantabi pa rin ito ng administrasyon at iginigiit na makatutulong ang pagmimina sa ekonomiya ng bansa.

Sinabi ni Pamplona na mismong si National Economic and Development Authority (NEDA) Secretary Arsenio Balisacan na ang nagsabi na noong katapusan ng 2023 ay umabot lamang sa 0.5 porsyento ang ambag ng pagmimina sa Gross Domestic Product (GDP) ng bansa.

Bukod naman sa large-scale mining, pinahihintulutan din ng kasalukuyang administrasyon ang seabed quarrying at offshore mining sa kabila ng ipinatutupad na moratoryo sa mga bagong aplikasyon.

Batay sa ulat ng mga apektadong pamayanan, pinalalabas na river dredging ang isinasagawang seabed quarrying sa Pangasinan, Zambales, Marinduque, Oriental Mindoro, Negros Occidental, at Cagayan, at hinihinalang gagamitin para sa reclamation project sa Manila Bay.

“Furthermore, unabated mining happens in the context of disastrous landslides in mining areas and in an escalating climate crisis. We have repeatedly stated that the destruction of the environment and the violations of the human rights of communities, especially those of indigenous groups, women and the youth, through mining and other extractive activities are simply unacceptable,” giit ni Pamplona.

Hinamon naman ng ATM ang mamamayan na manindigan para sa kapakanan ng mga apektado ng pagmimina, at papanagutin ang pamahalaan sa patuloy na pagpapahintulot sa mapaminsala at mapanganib na paraan ng pag-unlad.

Sa Laudato Si’, una nang nagpahayag ng mariing pagtutol ang Kanyang Kabanalan Francisco hinggil sa industriya ng pagmimina dahil nag-iiwan lamang ito ng labis na pinsala at paghihirap sa kalikasan at mga apektadong pamayanan.

10-milyong katutubo sa bansa, dumaranas ng kahirapan

 4,235 total views

Inihayag ng Legal Rights and Natural Resources Center (LRC) na naranasan ng nasa 10 milyong katutubo sa bansa ang pinakamatinding kahirapan sa loob ng isang dekada sa ilalim ng administrasyon ni Pangulong Ferdinand Marcos, Jr.

Ayon sa LRC Campaigns Support and Linkages Coordinator Leon Dulce, tumaas ng 79-porsyento ang antas ng kahirapan sa mga katutubo mula sa 70-porsyento noong 2013.

Sinabi ni Dulce na sa pananaw ng nga katutubo, ang kasalukuyang kalagayan ng bansa ay patuloy na kahirapang bunsod ng diskriminasyon sa iba’t ibang aspeto.

“For indigenous people, the State of the Nation is a constant state of impoverishment rooted in systemic discrimination over public services, land and natural resource conflicts, and a chronic agricultural crisis,” ayon kay Dulce.

Napag-alaman sa pinakabagong datos na nakalap ng LRC na ang mga katutubo ay nahaharap sa 10-porsyentong agwat sa pagkakaroon ng access sa mga pangunahing pampublikong serbisyo kumpara sa mga hindi katutubo, kabilang dito ang mahahalagang serbisyo tulad ng tubig, kuryente, kalinisan, edukasyon, at seguridad sa pagkain.

“With more than half of indigenous peoples being employed in agriculture, their subsistence and livelihoods already affected by persisting inflation further suffered from the lack of anticipatory interventions from public authorities to El Nino. Government assistance so far is roughly just 38% of the almost P10 billion agricultural damages tallied in the country,” saad ni Dulce.

Iginiit din ni Dulce na sa mahigit 1.3 milyong ektaryang lupain ng mga ninuno na nasangkot sa alitan, lalo na sa malawakang pagmimina, ang pagkilala at proteksyon ng mga ninuno ay dapat mapabilis upang mabigyan ng pagkakataon ang mga katutubong komunidad na mapanatili ang kanilang kabuhayan.

Dagdag ng opisyal na magiging kawalang-katarungan kung ang mahalagang kalagayan ng isa sa mga pinakamahinang sektor ng lipunan ay hindi man lamang mabanggit sa SONA.

Dumalo sa ginanap na SIPA 2024 ang mga lider mula sa 15 tribo at iba’t ibang sektor ng lipunan, kung saan ang gawain ay nagsisilbing pagtutol ng mga katutubo para sa SONA ni Pangulong Marcos Jr.

Act with creation, hamon ni Pope Francis sa mananampalataya

 6,516 total views

Hinamon ng Kanyang Kabanalan Francisco ang bawat mananampalataya na yakapin ang buhay na puno ng pananampalataya at pag-asa, na nag-uugnay hindi lamang sa Diyos at kapwa, kundi maging sa sangnilikha.

Ayon kay Pope Francis, ang pagkakaroon ng pag-asa at pagkilos kasama ang sangnilikha ay nangangahulungan ng pamumuhay ng pananampalatayang nagkatawang-tao.

Ipinaliwanag ng Santo Papa na ito’y pagpasok sa paghihirap at pag-asa ng iba, kung saan ibinabahagi ang pag-asang muling pagkabuhay na itinakda para sa mga mananampalataya ng Panginoong Hesukristo.

Ito ang mensahe ni Pope Francis sa World Day of Prayer for the Care of Creation sa unang araw ng Setyembre, hudyat ng pagsisimula ng Panahon ng Sangnilikha o Season of Creation.

“In Jesus, the eternal Son who took on human flesh, we are truly children of the Father. Through faith and baptism, our life in the Spirit begins, a holy life, lived as children of the Father, like Jesus, since by the power of the Holy Spirit, Christ lives in us,” ayon sa Santo Papa.

Dalangin ng Santo Papa Francisco na sa pamamagitan ng pamamatnubay ng Espiritu Santo, ang pananampalataya at gawa ng tao ay mag-udyok upang higit na ipakita ang pag-ibig at pangangalaga para sa lahat ng nilikha ng Diyos, sapagkat ito ang landas patungo sa tunay at ganap na kabanalan ng buhay.

“In this way, our lives can become a song of love for God, for humanity, with and for creation, and find their fullness in holiness,” ayon kay Pope Francis.

Tema ng Season of Creation 2024 ang “To hope and Act with Creation” at simbolo naman ang “The First Fruits of Hope” mula sa sulat ni San Pablo sa mga taga-Roma.

Ipagdiriwang ito sa buong buwan ng Setyembre hanggang ikaapat ng Oktubre – kapistahan ni San Francisco ng Assisi, ngunit pinalawig ito sa Pilipinas hanggang ikalawang linggo ng Oktubre bilang paggunita sa Indigenous People’s Sunday.

Parokya at mga katolikong institusyon, hinikayat ng Caritas Philippines na makilahok sa 10 Million Solar Rooftops Challenge

 7,657 total views

Nakiisa ang Caritas Philippines sa 10 Million Solar Rooftops Challenge bilang bahagi ng misyon ng Simbahan na pangalagaan ang kalikasan at itaguyod ang napapanatiling pag-unlad ng bansa.

Ang proyekto ay umani rin ng suporta sa Catholic Bishops’ Conference of the Philippines (CBCP) at sa ginanap na 41st National Social Action General Assembly (NASAGA) na nagpapakita ng paninindigan ng simbahan sa pangangalaga sa nag-iisang tahanan.

Layunin ng 10 Million Solar Rooftops Challenge na maglagay ng solar panels sa mga bubong ng bawat tahanan sa bansa, na makatutulong upang mapababa ang carbon emissions at maisulong ang mas luntiang hinaharap.

Ang inisyatibo ay inilunsad ng iba’t ibang advocacy group, kabilang na ang Center for Energy, Ecology, and Development (CEED) sa ginanap na Summit for Clean and Affordable Energy sa Quezon City.

“The initiative aims to significantly contribute to the nation’s renewable energy targets, reduce greenhouse gas emissions, and empower communities to become more climate resilient by fostering widespread adoption of solar rooftop systems,” ayon sa Caritas Philippines.

Naniniwala ang Caritas Philippines na ang inisyatibong ito ay mahalagang hakbang tungo sa pagkamit sa mga layunin ng ensiklikal na Laudato Si’ ng Kanyang Kabanalan Francisco.

Bukod sa Caritas Philippines, kabilang din sa nagpahayag ng suporta sa 10 Million Solar Rooftops Challenge ang Power for People Coalition (P4P), Reboot Philippines, at Ateneo de Davao University, WWF-Philippines.

Sa ginanap na NASAGA noong Hunyo, inaprubahan sa pamamagitan ng resolusyon ang kahalagahan ng paglipat sa renewable energy upang mabawasan ang epekto ng climate change.

Dito’y hinihikayat ang lahat ng diyosesis sa buong bansa na manguna sa pagtangkilik sa renewable energy, gayundin ang panawagan sa pamahalaan na pagtibayin ang mga batas at polisiya para sa enerhiya.

Bilang bahagi ng pagsuporta sa inisyatibo, maglalagay ang CBCP at Caritas Philippines ng mga solar panel sa mga pamayanang walang kuryente, tinitiyak na maging ang mga pinakaliblib na lugar ay makikinabang sa renewable energy.

“We implore all Filipinos, especially parishes and church-based organizations, to actively participate in this challenge by investing in solar power and advocating for its benefits within their communities. Together, we can forge a cleaner, greener, and more sustainable future for all,” panawagan ng Caritas Philippines.

Sa Laudato Si’ ni Pope Francis, hinikayat nito ang pagpapalawak sa paggamit ng renewable energy upang matugunan ang kakulangan sa kuryente, at palitan ang mga fossil fuels na nagdudulot ng pinsala sa kalikasan.

Masungi Georeserve, hindi itinayo upang pagkakakitaan

 13,810 total views

Nilinaw ng Masungi Georeserve Foundation, Inc. (MGFI) na hindi itinayo ang Masungi Georeserve upang pagkakitaan at magsilbing lugar-libangan.

Ito ang tugon ng institusyon sa pahayag ng Department of Environment and Natural Resources (DENR) na nagsasaad na ang mga gawain sa loob ng Masungi Georeserve ay maituturing na labag sa batas.

Ayon sa MGFI, ang Masungi Georeserve ay inisyatibo upang mapangalagaan at mailigtas ang mga likas na yaman laban sa mga mapaminsalang pag-unlad.

“The Masungi Georeserve is a non-profit conservation initiative run by the MGFI which is a non-stock, non-profit Foundation duly registered at the Securities and Exchange Commission (SEC). Masungi is therefore not a resort, which is built for the primary purpose of entertainment and profit,” ayon sa pahayag ng MGFI.

Iginiit ng institusyon na mahigpit silang sumusunod sa anumang mahahalaga at kinakailangang permit mula sa iba’t ibang ahensya ng pamahalaan bilang pagtalima sa mga batas ng bansa, gayundin ay walang anumang obligasyon sa Bureau of Internal Revenue (BIR).

Taliwas din sa pahayag ng DENR, inihayag ng MGFI na ang ginawang trails o daanan sa loob ng Masungi ay may Certificate of Non-Coverage (CNC) na katumbas ng Environmental Compliance Certificate (ECC) para sa mga proyekto na walang gaanong malaking epekto sa kapaligiran ayon sa itinakda ng Philippines Environment Impact System.

“Masungi is also known for implementing some of the strictest and most sustainable visitor protocols and carrying capacities in the country,” ayon sa institusyon.

Naglabas ng pahayag ang DENR kasunod ng panawagan ni Hollywood actor at environmental activist Leonardo DiCaprio sa administrasyon ni Pangulong Ferdinand Marcos, Jr. na pagtuunan ang pangangalaga sa Masungi Geopark Project.

Una nang inanunsyo ng DENR ang planong pagbawi sa 2017 Memorandum of Agreement na nilagdaan sa pamumuno ng yumao at dating Environment Secretary Gina Lopez na nagbunsod upang masimulan at maisakatuparan ang Masungi Geopark Project.

Binatikos naman ito ng MGFI at iba pang grupo kabilang na ang Caritas Philippines dahil ang hakbang ng kagawaran ay marahil upang higit na bigyang-daan ang operasyon ng large-scale mining, land grabbers, quarrying at pool resorts sa loob ng protected area.